ക്രിപ്റ്റോകറൻസി മാർക്കറ്റിൽ വൻ തകർച്ച. ഏറ്റവും ഒടുവിൽ പുറത്തുവിടുന്ന കണക്കുകൾ പ്രകാരം 9 ശതമാനത്തോളം ഇടിവാണ് ക്രിപ്റ്റോ കറൻസി വിപണിയിൽ സംഭവിച്ചത്. കഴിഞ്ഞ 24 മണിക്കൂറിനിടെ 8.8 ശതമാനം ഇടിവ് ബിറ്റ്കോയിന് സംഭവിച്ചതായി കണക്കുകൾ സൂചിപ്പിക്കുന്നു. മറ്റ് പല ക്രിപ്റ്റോ കറൻസികൾക്കും ഇതിനേക്കാൾ കൂടുതൽ ഇടിവ് സംഭവിച്ചിട്ടുണ്ടെന്നാണ് റിപ്പോർട്ടുകൾ.
ക്രിപ്റ്റോ കറൻസിയുടെ മൂല്യത്തിൽ തകർച്ച തുടങ്ങിയതോടെ നിരവധി നിക്ഷേപകർ പിൻവാങ്ങിയിരുന്നു. ഇതാണ് നിലവിലെ കനത്ത തകർച്ചയ്ക്ക് കാരണമായത്. കഴിഞ്ഞ നവംബറിൽ 70,000 ഡോളർ വരെ റെക്കോർഡ് നിലവാരത്തിലെത്തിയ ബിറ്റ്കോയിന് 44 ശതമാനം ഇടിവ് സംഭവിച്ചു. നിലവിൽ 40,000 ഡോളർ നിലവാരത്തിലാണ് ബിറ്റ്കോയിൻ എത്തിനിൽക്കുന്നതെന്നാണ് റിപ്പോർട്ട്.
പണപ്പെരുപ്പമുണ്ടാകുന്ന സമയത്ത് ബിറ്റ്കോയിൻ മൂല്യം ഉയരുമെന്ന് ക്രിപ്റ്റോകറൻസിയെ പിന്തുണയ്ക്കുന്ന ഒരു വിഭാഗം പ്രതീക്ഷിച്ചിരുന്നു. പക്ഷേ പണപ്പെരുപ്പം സംഭവിച്ചപ്പോഴും ക്രിപ്റ്റോകറൻസി പ്രയാസപ്പെടുകയാണ് ചെയ്തത്. കൂടുതൽ ഇടിവ് സംഭവിച്ചുവെന്നല്ലാതെ മൂല്യത്തിൽ വർദ്ധനയുണ്ടായില്ല. പുതുവർഷത്തിൽ തകർച്ചയുടെ റെക്കോർഡുകളിലേക്ക് കുതിക്കുകയാണ് ക്രിപ്റ്റോ കറൻസികളെന്ന് റിപ്പോർട്ടുകൾ സൂചിപ്പിക്കുന്നു.
Comments