ഡെറാഡൂണ്: ഉത്തരാഖണ്ഡ് നിയമസഭാ തെരഞ്ഞെടുപ്പു പ്രമോഷനില് ബിജെപി ഉപയോഗിച്ച ലാറ്റിടൂണ് കാര്ട്ടൂണ് ആം ആദ്മി പാര്ട്ടി ദുരുപയോഗം ചെയ്തതിനെതിരെ കാര്ട്ടൂണിസ്റ്റ് രംഗത്ത്.തന്റെ കലാസൃഷ്ടികള് അനധികൃതമായി ഉപയോഗിച്ചതിന് എഎപി മാപ്പ് പറയണമെന്ന് ലാറ്റി ടൂണിന്റെ സൃഷ്ടാവ് കാഞ്ചന് ജാഡ്ലി ആവശ്യപ്പെട്ടു.
കൊറോണ പശ്ചാത്തലത്തില് റാലികള്ക്ക് നിരോധനമുള്ളതിനാല്അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പുകളില് രാഷ്ട്രീയ പാര്ട്ടികള് സാമൂഹിക മാധ്യമങ്ങളെ ആശ്രയിക്കുന്നുണ്ട്.ആം ആദ്മി പാര്ട്ടി പ്രമോഷനായി ലാറ്റിടൂണ് കാര്ട്ടൂണ് ഉപയോഗിച്ചതാണ് ഇപ്പോള് വിവാദമായത്.
പകര്പ്പവകാശമുള്ള തന്റെ കാര്ട്ടൂണ് ബിജെപി വിരുദ്ധ ട്വീറ്റിനായി എഎപി പകര്പ്പവകാശ ലംഘനം നടത്തി ഉപയോഗിച്ചതാണ് വിവാദമായത്. ലാറ്റി ടൂണ് കഥാപാത്രത്തെ രാഷ്ട്രീയ ലക്ഷ്യത്തിനായി അനധികൃതമായി ഉപയോഗിച്ചതില് കാര്ട്ടൂണിസ്റ്റ് കാഞ്ചല് ജഡ്ലി അതൃപ്തി പ്രകടിപ്പിക്കുകയും ട്വീറ്റ് നീക്കം ചെയ്ത് മാപ്പ് പറയാനും ഉത്തരാഖണ്ഡ് എഎപിയോട് ആവശ്യപ്പെട്ടു. ട്വിറ്ററിലാണ് കാഞ്ചന് ഇക്കാര്യം അറിയിച്ചത്.
ഉത്തരാഖണ്ഡില് നിന്ന് ബി.ജെ.പിയെ പുറത്താക്കാന് ‘ലാത്തി’കള് ആഗ്രഹിക്കുന്നുവെന്ന് എഎപി ലാറ്റിടൂണ് കഥാപാത്രത്തെ മുന്നിര്ത്തിആരോപിച്ചു. ഈ ട്വീറ്റില് ഉടനീളം ലാത്തിടൂണ് കഥാപാത്രത്തെ ഉപയോഗിക്കുന്നുണ്ട്. ഇത് പകര്പ്പവകാശ ലംഘനമാണ്.
ലാറ്റിടൂണ് കാര്ട്ടൂണിനെ ബിജെപിയാണ് ഉപയോഗിച്ചിരുന്നത്.
ലാറ്റിടൂണിന്റെ സ്കാര്ഫില് ബിജെപിയുടെ താമര ചിഹ്നം ഉണ്ടായിരുന്നു. താമര ചിഹ്നത്തിന്റെ സാന്നിധ്യം കാണിക്കുന്നത് ഈ കലാസൃഷ്ടി ബിജെപി പ്രമോഷണല് ആവശ്യങ്ങള്ക്കായി രൂപപ്പെടുത്തിയതാണെന്നും എഎപി അത് സ്വന്തം നേട്ടത്തിനായി ദുരുപയോഗം ചെയ്തുവെന്നുമാണ്.
ലാറ്റി ടൂണ് ഉപയോഗിച്ച ട്വീറ്റ് പ്രധാനമന്ത്രി നരേന്ദ്ര മോദിയും പങ്കുവെച്ചിരുന്നു. ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമിയുടെ ട്വീറ്റ് ഉദ്ധരിച്ച് പ്രധാനമന്ത്രി മോദി ഉത്തരാഖണ്ഡിലെ ജനങ്ങള്ക്ക് മക്രെയ്നി-ഉത്രൈനി ഉത്സവാശംസകള് നേര്ന്നു
ഉത്തരാഖണ്ഡില് നിന്നുള്ള ഒരു യുവ ഫ്രീലാന്സ് കലാകാരിയാണ് കാഞ്ചന്. പഹാഡി സംസ്കാരം പ്രദര്ശിപ്പിക്കുന്നതിനായി ലോക്ക് ഡൗണ് കാലത്ത് സ്വന്തം നാട്ടില് താമസിച്ച സമയത്താണ് അവള് ലാറ്റി കാര്ട്ടൂണ് കഥാപാത്രത്തെ സൃഷ്ടിച്ചത്. കുമയൂണി, ഗധ്വാലി ഭാഷകളില് ലാറ്റി എന്നാല് വിഡ്ഢി പെണ്കുട്ടി എന്നാണ് അര്ത്ഥം. അവളുടെ ടൂണുകള് ഉപയോഗിച്ച്, കാഞ്ചന് പരിസ്ഥിതി, വന്യജീവി, പഹാഡി സംസ്കാരം എന്നിവയെ കുറിച്ചും മറ്റും കാംപയ്ന് ചെയ്തിരുന്നു.
സംഭവം വിവാദമായിട്ടും ഉത്തരാഖണ്ഡ് എഎപി ട്വീറ്റ് ഡിലീറ്റ് ചെയ്യുകയോ മാപ്പ് പറയുകയോ ചെയ്തിട്ടില്ല
