തൃശ്ശൂർ: സീരിയൽ താരം ദേവിക നമ്പ്യാർ വിവാഹിതയായി. ഗായകനും തിരുവനന്തപുരം സ്വദേശിയുമായ വിജയ് മാധവാണ് ദേവികയെ വിവാഹം കഴിച്ചത്. ഗുരുവായൂർ ക്ഷേത്ര നടയിൽ വച്ചായിരുന്നു താലികെട്ട്.
ഇരുവരുടെയും ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്. കൊറോണ മാനദണ്ഡങ്ങൾ പാലിച്ചായിരുന്നു ചടങ്ങുകൾ. രാക്കുയിൽ എന്ന സീരിയലിലൂടെ ശ്രദ്ധേയായ നടിയാണ് ദേവിക. ഒരുചിരി ഇരുചിരി ബംബർചിരി എന്ന ടെലിവിഷൻ ഷോയുടെ അവതാരകയാണിപ്പോൾ ദേവിക.
മലപ്പുറം മഞ്ചേരി കാരക്കുന്ന് ആമയൂർ പ്രാക്കുന്ന്കളത്തിൽ എൻസിടി ശ്രീധരന്റെയും രാധികയുടെയും മകളായ ദേവിക നല്ലൊരു നർത്തകി കൂടിയാണ്.
സ്റ്റാർ സിംഗർ എന്ന ടെലിവിഷൻ റിയാലിറ്റിഷോയിലൂടെ ശ്രദ്ധേയനായ വിജയ് മാധവ് മികച്ച ഗായകനാണ്. ഇപ്പോൾ സംഗീത സംവിധാന രംഗത്തും സജീവമാണ്.
