25 കോടിയുടെ ഫെരാരി മരത്തിലിടിച്ച് തരിപ്പണമായി ; കണ്ട് നിൽക്കാനാകാതെ ഉടമസ്ഥൻ

ആഡംബര കാറുകൾ എല്ലാവർക്കും ഇഷ്ടമാണ് . എന്നാൽ അത് വാങ്ങാൻ കോടിക്കണക്കിന് രൂപ ചെലവഴിക്കേണ്ടിവരുമെന്നും നമുക്ക് അറിയാം . ഇനി കോടികൾ ചെലവഴിക്കുന്ന വാഹനം എന്തെങ്കിലുമായി കൂട്ടിയിടിച്ചാലോ . ആംസ്റ്റർഡാമിലെ ബാർണിൽ മെക്കാനിക്ക് ഓടിച്ചപ്പോൾ തകർന്നത് 25 കോടിയുടെ ഫെരാരി കാറാണ്. കാർ നേരിട്ട് മരത്തിൽ ഇടിക്കുകയായിരുന്നു , കോടികൾ വിലമതിക്കുന്ന കാറിന്റെ അവസ്ഥയാകട്ടെ ഉടമസ്ഥന് കണ്ട് നിൽക്കാനാകുന്നതായിരുന്നില്ല . ഹിൽവർസമിലെ ഫെരാരി ഡീലർഷിപ്പിലെ മെക്കാനിക്കാണ് കാർ ഓടിച്ചത്.

ബാർണിലെ N221 ഹൈവേയിൽ നിന്ന് പുറപ്പെട്ടപ്പോൾ തന്നെ കാലാവസ്ഥ മോശമായിരുന്നുവെന്നാണ് സൂചന . കാർ കടപുഴകി വീണ മരത്തിൽ ഇടിച്ചതായാണ് റിപ്പോർട്ട് . വേഗത അൽപ്പം കൂടിയിരുന്നെങ്കിൽ പോലും കാറിന്റെ ഡ്രൈവർ മരിക്കുമായിരുന്നു. എന്നാൽ ഇവിടെ മെക്കാനിക്കിന് യാതൊരു പരിക്കുമുണ്ടായില്ല .