ന്യൂഡല്ഹി: കസ്റ്റംസിന്റെ പേരുപറഞ്ഞ് സമീപിക്കുന്ന വ്യക്തിക്കോ സ്വകാര്യഅക്കൗണ്ടുകളിലേക്കോ പണം നല്കരുതെന്ന് കസ്റ്റംസ് കമ്മിഷണര് ഓഫിസ് ജനങ്ങളോട് അഭ്യര്ത്ഥിച്ചു. കസ്റ്റംസ് കമ്മിഷണറുടെ പേരിലുള്ള സര്ക്കാര് അക്കൗണ്ടുകളിലേക്ക് മാത്രമെ പണംനിക്ഷേപിക്കാന് കഴിയൂ എന്നും മുന്നറിയിപ്പു നല്കി. കസ്റ്റംസ് ചമഞ്ഞ് തട്ടിപ്പ് നടത്തുന്ന സംഭവം ശ്രദ്ധയില് പെട്ടതിനെ തുടര്ന്നാണ് കസ്റ്റംസ് മുന്നറിയിപ്പുമായി രംഗത്ത് എത്തിയത്.
കസ്റ്റംസ് ചമഞ്ഞെത്തുന്നവര് ആദ്യം ഇരകളുമായി ബന്ധം സ്ഥാപിച്ച് അവരുടെ പാര്സല് ഇന്ത്യയിലെക്കെത്തിക്കുന്നതിന് സഹായവാഗ്ദാനം നല്കും. പിന്നീട് അവര് കസ്റ്റംസ് ഓഫിസര്മാരായി ചമഞ്ഞ് പണം അവരുടെ വ്യാജഅക്കൗണ്ടിലേക്ക് നല്കാന് ആവശ്യപ്പെടുമെന്നും കസ്റ്റംസ് കമ്മിഷണര് അറിയിച്ചു. കസ്റ്റംസ് ഡ്യൂട്ടി വ്യക്തിഗതഅക്കൗണ്ടിലേക്ക് അടയ്ക്കാന് ആവശ്യപ്പെട്ട് ഓഫിസര്മാര് നേരിട്ട് ജനങ്ങളെ സമീപിക്കില്ലെന്നും തട്ടിപ്പില് കുടുങ്ങരുതെന്നും അറിയിപ്പില് പറയുന്നു.
അംഗീകൃത കൊറിയര് സര്വ്വീസിന്റെയോ, തപാല്വകുപ്പിന്റെയോ ട്രാക്ക് സര്വ്വീസ് സൈറ്റ് വഴി അയയ്ക്കുന്ന പാര്സലുകളെ സംബന്ധിച്ച വിവരങ്ങള് അറിയാന് സാധിക്കുമെന്നും ജനങ്ങള് വ്യാജ കസ്റ്റംസ് ഓഫിസര്മാരുടെ വലയില് കുടുംങ്ങരുതെന്നും കമ്മിഷണര് ഓഫിസിലെ അറിയിപ്പില് വ്യക്തമാക്കുന്നു.
Comments