തിരുവനന്തപുരം : റിപ്പബ്ലിക് ദിനത്തിൽ ഈ രാജ്യം ആരുടെയും പിതൃസ്വത്തല്ലെന്ന ഫേസ്ബുക്ക് പോസ്റ്റുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനീഷ് കോടിയേരി .
മതത്തിന്റെ പേരിൽ മനുഷ്യനെ വിഭജിക്കാത്ത ഒരു ഭരണഘടന നമുക്കുണ്ട് എന്നത് തന്നെയാണ് നമ്മുടെ രാജ്യത്തെ സംബന്ധിച്ചു നാം ഏറെ അഭിമാനം കൊള്ളേണ്ടുന്ന ഒന്ന് . നമ്മുടെ ഭരണഘടനെയെപ്പറ്റി പറയുമ്പോൾ നെഞ്ചു വിരിച്ചു തന്നെ പറയണം. ഈ രാജ്യം ആരുടേയും പിതൃസ്വത്തല്ല ,ഭരണഘടന ആരുടേയും ദാനമല്ല, നാം നമുക്കു തന്നെ നല്കിയതാണ് . നമ്മുടെ അവകാശമാണ് .ഈ രാജ്യത്തെ നമ്മൾ പൊരുതി വീണ്ടെടുത്തതാണ് , അവകാശങ്ങൾ നമ്മുടെ സ്വത്താണ് . രാജ്യം നമ്മുടേതാണ് രാജ്യത്തിന്റെ സ്വാതന്ത്രവും .മാനവികത ഉയർത്തിപ്പിടിക്കുകയും മനുഷ്യനെ മനുഷ്യനായി കാണുകയും ചെയ്യുന്ന എല്ലാ മനുഷ്യർക്കും ഭരണഘടനാ ദിനാശംസകൾ ..- ഇത്തരത്തിലാണ് ബിനീഷിന്റെ ഫേസ്ബുക്ക് പോസ്റ്റ് .
ഇതിനെ വിമർശിച്ച് ഒട്ടേറെ പേരാണ് രംഗത്തെത്തിയത് . നാട്ടുകാരെ പഠിപ്പിക്കാൻ ഇറങ്ങുന്നതിനു മുൻപ്, സമയം കിട്ടിയാൽ നെഞ്ച് വിരിച്ച് സ്വന്തം അച്ഛനോട് ഇക്കാര്യങ്ങൾ ഒന്ന് പറഞ്ഞു കൊടുക്കണമെന്നും സോഷ്യൽ മീഡിയ പറയുന്നു . സാധാരണ കോടിയേരിയ്ക്ക് ഇന്ത്യ എന്ന് കേൾക്കുമ്പോൾ നെഞ്ച് വിരിയാറില്ല. ചൈന എന്ന് കേൾക്കുമ്പോൾ നെഞ്ച് വിരിയും. ഈ പറഞ്ഞ സ്വാതന്ത്ര്യം , അവകാശം , മാനവികത ഒക്കെ ഇന്ത്യയിൽ മാത്രമേ കിട്ടൂ.ചൈനയിൽ കിട്ടില്ല എന്ന് ഒന്ന് മനസ്സിലാക്കി കൊടുക്കണമെന്നും വിമർശകർ പറയുന്നു.
മാത്രമല്ല ഇന്ത്യൻ ഭരണഘടന ഉണ്ടാക്കുന്നതിൽ ഒരു പങ്കും വഹിക്കാത്തവരും ഇപ്പോഴും ആ ഭരണ ഘടനയെ അംഗീകരിക്കാത്തവരും ആണ് കമ്മ്യൂണിസ്റ്റ്കാരെന്നും ചിലർ ഓർമ്മിപ്പിക്കുന്നു . എന്ന് മുതലാണ് നിങ്ങൾ സ്വാതന്ത്ര്യ ദിനവും റിപ്പബ്ലിക് ദിനവുമൊക്കെ ആഘോഷിക്കാൻ തുടങ്ങിയതെന്നും ചോദ്യമുണ്ട്.
Comments