കോഴിക്കോട് : കുറ്റ്യാടിയിൽ റോഡ് പണിയ്ക്കായി കൊണ്ടുവന്ന ജെസിബി സാമൂഹ്യവിരുദ്ധർ തീയിട്ട് നശിപ്പിച്ചു. പുലർച്ചെ മൂന്ന് മണിയോടെ കുമ്പളച്ചോലയിലാണ് സംഭവം. ഉടമയുടെ പരാതിയിൽ പോലീസ് അന്വേഷണം ആരംഭിച്ചു.
നരിപ്പറ്റ-വിലങ്ങാട് റോഡിന്റെ നിർമ്മാണ പ്രവർത്തനങ്ങൾക്ക് വേണ്ടിയാണ് ജെസിബി എത്തിച്ചത്. പുലർച്ചെ ജെസിബിയിൽ നിന്ന് തീ ഉയരുന്നതു കണ്ട നാട്ടുകാരാണ് വിവരം അഗ്നിശമന സേനയെ അറിയിച്ചത്. ഉടനെ സേനാംഗങ്ങൾ സ്ഥലത്ത് എത്തി തീ അണയ്‌ക്കുകയായിരുന്നു.
ടയർ ഉൾപ്പെടെ ജെസിബി പൂർണമായും കത്തിനശിച്ചു. റോഡ് പണിയുമായി ബന്ധപ്പെട്ട് നേരത്തെ പ്രദേശത്ത് ചില തർക്കങ്ങൾ ഉണ്ടായിരുന്നുവെന്നാണ് പോലീസ് പറയുന്നത്.
