ഛണ്ഡിഗഡ്: പഞ്ചാബ് മുഖ്യമന്ത്രി ചരണ്ജിത്ത് ഛന്നി മത്സരിക്കുന്ന രണ്ടു സീറ്റിലും തോല്ക്കുമെന്ന് ആംആദ്മി പാര്ട്ടി സ്ഥാനാര്ത്ഥി ഭഗ്വന്ത് മാന്. തോല്വി ഭയന്ന് ചാംകുര്, ബാദുര് എന്നിവിടങ്ങളിലാണ് ഛന്നി മത്സരിക്കുന്നത്. അതെസമയം നല്ല സന്തോഷവും മഹത്വവും നല്കുന്ന രംഗ്ല പഞ്ചാബ് മോഡല് താന് അധികാരത്തിലെത്തി മൂന്നോ നാലോ മാസത്തിനകം കൊണ്ടുവരുമെന്നും എഎപിയുടെ മുഖ്യമന്ത്രി സ്ഥാനാര്ത്ഥി വ്യക്തമാക്കി.
കോണ്ഗ്രസിന് ഞങ്ങളുടെ മുഖ്യമന്ത്രി സ്ഥാനത്തെക്കുറിച്ചാണ് നേരത്തെ സംശയമുന്നയിച്ചിരുന്നത്. ഇപ്പോള് അവര്ക്ക് അവരുടെ മുഖ്യമന്ത്രി ആരാവും എന്നാണ് സംശയം. ചരണ്ജിത്ത് ഛന്നിയും നവജ്യോത് സിംഗ് സിദ്ദുവും മുഖ്യമന്ത്രി സ്ഥാനത്തിനു വേണ്ടി ആഗ്രഹിക്കുന്ന സാഹചര്യത്തിലാണ് എഎപി നേതാവിന്റെ വാക്കുകള്. ഈ രണ്ടുപേരില് ആരും കോണ്ഗ്രസിന്റെ മുഖ്യമന്ത്രി സ്ഥാനാര്ത്ഥി ആവുന്നതില് ഞങ്ങള്ക്ക് പ്രശ്നമില്ല. കാരണം അവരുടെ സര്ക്കാര് അധികാരത്തില് വരില്ലെന്ന് ഉറപ്പാണ്. അതു കൊണ്ട് ഞങ്ങള്ക്ക് പ്രശ്നമില്ലെന്നും ഭഗവന്ത് മാന് പറഞ്ഞു.
ചാംകുര് സാഹിബ് സീറ്റില് തോല്ക്കുമെന്ന് ഭയന്നിട്ടാണ് ഛന്നി രണ്ടു സീറ്റുകള് തെരഞ്ഞെടുത്തത്. രണ്ടു സീറ്റിലും പരാജയപ്പെടുമെന്നതാണ് യാഥാര്ത്ഥ്യമെന്നും ഭഗവന്ത് മാന് പറഞ്ഞു. ഛന്നിയുടെ 111 ദിവസത്തെ ഭരണത്തെയും അദ്ദേഹം വിമര്ശിച്ചു. ഏതെങ്കിലും തീരുമാനം നടപ്പാക്കാന് സര്ക്കാരിന് ഇതുവരെ സാധിച്ചോയെന്നും അദ്ദേഹം ചോദിച്ചു. നൂറ്റിപ്പതിനൊന്ന് ദിവസത്തെ ഭരണത്തിനിടെ 111 കോടിയും 56 ലക്ഷത്തിന്റെ അനധികൃത സ്വത്തും ഛന്നിയുടെ ബന്ധുവില് നിന്ന് ഇഡി കണ്ടെത്തിയെന്നും നാലരവര്ഷത്തെ ഭരണത്തിനിടെ എത്രമാത്രം കോണ്ഗ്രസ് നേടിയിരിക്കുമെന്നും അദ്ദേഹം ചോദിച്ചു.
അതെസമയം പഞ്ചാബില് എഎപി അധികാരത്തിലെത്തും, ദുരിയിലെ ജനങ്ങളുടെ വികാരം അത് വെളിപ്പെടുത്തുന്നുവെന്നും മൊത്തംപഞ്ചാബിന്റെ വികാരം അതാണെന്നും ഭഗവന്ത് മാന് ചൂണ്ടിക്കാട്ടി. പാട്ടും ഡാന്സും ഉയരുന്ന സന്തോഷത്തിന്റെയും ആഹ്ലാദത്തിന്റെയും പഞ്ചാബാണ് ലക്ഷ്യം. കാലിഫോര്ണിയയോ, ലണ്ടനോ, പാരിസോ നിര്മിക്കുകയല്ല, മറിച്ച് ബംഗ്ര, ഗിദ്ദ എന്നിവയുള്ള പുരാതന പഞ്ചാബിനെ പുനസൃഷ്ടിക്കുകയാണ് ലക്ഷ്യമെന്നും അദ്ദേഹം പറഞ്ഞു.
Comments