ന്യൂഡൽഹി ; ബിജെപി വിരുദ്ധവോട്ടുകൾ ഏകോപിപ്പിക്കാനുള്ള തെരഞ്ഞെടുപ്പ് തന്ത്രങ്ങൾക്ക് രൂപം നൽകാനാണ് സിപിഎം നീക്കമെന്ന് പാർട്ടി ജനറൽ സെക്രട്ടറി സീതാറാം യെച്ചൂരി . കരട് രാഷ്ട്രീയ പ്രമേയം പ്രകാശനം ചെയ്ത് സംസാരിക്കുകയായിരുന്നു യെച്ചൂരി
സിപിഎം പാർട്ടി കോൺഗ്രസിൽ അവതരിപ്പിക്കാനുള്ള കരട് രേഖയിലാണ് ഇതിനായി മുഖ്യ പരിഗണന നൽകുന്നത് . ദേശീയതല സഖ്യങ്ങൾ തെരഞ്ഞെടുപ്പിനു മുമ്പ് പ്രായോഗികമല്ല. അതുകൊണ്ട് തന്നെ തെരഞ്ഞെടുപ്പുകൾക്ക് മുൻപ് സംസ്ഥാന തലങ്ങളിലാണ് ഇത്തരം സഖ്യങ്ങൾ രൂപംകൊള്ളുക
2019ൽ അധികാരം വീണ്ടും ലഭിച്ചതുമുതൽ ബിജെപി ഹിന്ദു രാഷ്ട്രം സ്ഥാപിക്കാനുള്ള നീക്കങ്ങൾ ശക്തമാക്കി. ഭരണഘടനപരമായ ചട്ടക്കൂടും മതനിരപേക്ഷ, സ്വഭാവം തകർക്കാൻ ശ്രമിക്കുന്ന ബിജെപിയെ പരാജയപ്പെടുത്തുകയും ഒറ്റപ്പെടുത്തുകയും ചെയ്യേണ്ടത് ഇന്നത്തെ ഏറ്റവും പ്രധാന കടമയാണ്. ഇതിനായാണ് ഏറ്റവും മതനിരപേക്ഷകക്ഷികളെ അണിനിരത്താൻ പാർട്ടി ശ്രമിക്കുന്നതെന്നും , ഇക്കാര്യമാണ് കരട് പ്രമേയത്തിൽ നിർദേശിക്കുന്നതെന്നും യെച്ചൂരി പറയുന്നു.
