ശ്രീനഗർ: കശ്മീരിലെ ഗുൽമാർഗിലുള്ള ‘സ്നോഗ്ലു’ എന്ന ഇഗ്ലൂ കഫേ ഇന്ന് ലോകശ്രദ്ധയാകർഷിക്കുകയാണ്. ഗുൽമാർഗിലെ പ്രശസ്തമായ സ്കീ റിസോർട്ടിലാണ് കഫേ ഒരുക്കിയിരിക്കുന്നത്. ഇഗ്ലൂവിന്റെ നിർമ്മാതാവായ സയ്യിദ് വസീം ഷാ ഇത്തരത്തിലുള്ള ലോകത്തിലെ ഏറ്റവും വലിയ കഫേയാണെന്ന് അവകാശപ്പെട്ടു. സ്വിറ്റ്സർലൻഡ് ഹോട്ടൽ ആശയത്തിൽ നിന്ന് പ്രചോദനം ഉൾക്കൊണ്ടാണ് കഫേ നിർമ്മിച്ചിരിക്കുന്നത്. ഇതിന് 37.5 അടി ഉയരവും 44.5 അടി വ്യാസവുമുണ്ട്.
‘ഇത് ലോകത്തിലെ ഏറ്റവും വലിയ ഇഗ്ലൂ കഫേയാണ്. തങ്ങൾ ലോകറെക്കോർഡിനായി അപേക്ഷിച്ചു, പ്രക്രിയ തുടരുന്നു. ലോക റെക്കോർഡ് 2016ൽ സ്വിറ്റ്സർലൻഡിൽ നിർമ്മിച്ച ഇഗ്ലൂ കഫേയ്ക്കാണ്, ഞങ്ങൾ അത് മറികടന്നു,’ ഇഗ്ലൂ കഫേ അംഗം മഹുർ പറഞ്ഞു. കഫേയിൽ പത്ത് ഡൈനിംഗ് ടേബിളുകൾ ഉണ്ട്, കൂടാതെ 40 അതിഥികളെ ഉൾക്കൊള്ളാൻ കഴിയും.
കഫേയെ രണ്ട് വിഭാഗങ്ങളായി തിരിച്ചിരിക്കുന്നു. ഒന്ന് ഇരിപ്പിടത്തിനും മറ്റൊന്ന് ആർട്ട് സ്പേസിനും. ”ഇവിടെ രണ്ട് വിഭാഗങ്ങളുണ്ട്. ഒന്ന് ഇരിപ്പിടത്തിനും മറ്റൊന്ന് ആർട്ട് സ്പേസ്, ചുമർ കൊത്തുപണികൾ. ആടിന്റെ തൊലിയാണ് സീറ്റ് കവറായി ഉപയോഗിച്ചിരിക്കുന്നത്. ഇതിന്റെ നിർമ്മാണം പൂർത്തിയാക്കാൻ 2 മാസമെടുത്തു. സന്ദർശകർക്ക് ഇവിടെ പരമ്പരാഗത കശ്മീരി വിഭവങ്ങൾ ആസ്വദിക്കാം,’ മഹൂർ പറഞ്ഞു.
മഞ്ഞ് കൊണ്ട് നിർമ്മിച്ച കഫേ രാജ്യത്തെ ആദ്യത്തേതും ഏഷ്യയിലെ ഏറ്റവും വലിയ ഇഗ്ലൂ കഫേയുമാണ്. കൊലാഹോയ് ഗ്രീൻ ഗ്രൂപ്പ് ഓഫ് ഹോട്ടൽസ് ആൻഡ് റിസോർട്ട്സ് ആരംഭിച്ച ഇന്ത്യയിലെ ആദ്യത്തെ ഇഗ്ലൂ കഫേ വ്യത്യസ്തമായ അനുഭവമാണ് സന്ദർശകർക്ക് നൽകുന്നത്.
