ഇസ്ലമാബാദ് : കശ്മീരിലെ വിഘടനവാദികളെ പിന്തുണച്ച കെ എഫ് സി ബഹിഷ്ക്കരിക്കാൻ ആഹ്വാനം . പാകിസ്താനിലെ ഹ്യുണ്ടായ് ഡീലർ വിഘടനവാദികളെ പിന്തുണച്ചതിന് പിന്നാലെയാണ് കെ എഫ് സിയ്ക്കെതിരെയും വിമർശനം ഉയരുന്നത്.
‘ കശ്മീർ സോളിഡാരിറ്റി ഡേയ്ക്കൊപ്പം നിൽക്കുന്നു , അവർക്കും സ്വാതന്ത്ര്യം വേണം ‘ എന്നാണ് കെഎഫ്സിയുടെ ഫേസ്ബുക്ക് പോസ്റ്റ് . കഴിഞ്ഞ വർഷം ‘കശ്മീർ ഐക്യദാർഢ്യ ദിനത്തിലാണ്’ കമ്പനി ഇത്തരമൊരു പോസ്റ്റ് പങ്ക് വച്ചത് . വിഘടനവാദികളോട് കശ്മീർ ഇന്ത്യൻ പ്രദേശത്ത് നിന്ന് വിഘടിപ്പിക്കുക എന്ന ലക്ഷ്യം പിന്തുടരാനാണ് അവർ അന്ന് ആഹ്വാനം ചെയ്തത് . “സ്വാതന്ത്ര്യത്തിനായുള്ള ആഗ്രഹങ്ങൾ ഹൃദയംഗമമാണ്,” അതിൽ പറഞ്ഞു.
2021 ഫെബ്രുവരി 5-ന് ചെയ്ത ട്വീറ്റ് കെ എഫ് സി വിമർശനമുയർന്നിട്ടും ഡിലീറ്റ് ചെയ്തിട്ടില്ല . കശ്മീരിനെക്കുറിച്ചുള്ള പഴയ ട്വീറ്റിന് പിന്നാലെ കെഎഫ്സി ബഹിഷ്കരിക്കാൻ ഇന്ത്യൻ നെറ്റിസൺസ് ആഹ്വാനം ചെയ്തു
ഈ വർഷം ‘കശ്മീർ ഐക്യദാർഢ്യ ദിനത്തിൽ’ കെഎഫ്സി പാകിസ്ഥാൻ തീവ്രവാദ അനുകൂല പോസ്റ്റുകളൊന്നും പങ്കിട്ടില്ലെങ്കിലും, അമേരിക്കൻ ഫാസ്റ്റ് ഫുഡ് ശൃംഖലയുടെ ഇന്ത്യയ്ക്കെതിരായ പ്രചാരണത്തിലും ധിക്കാരപരമായ ഇടപെടലുകളിലും ഇന്ത്യൻ സോഷ്യൽ മീഡിയ ഉപയോക്താക്കൾ അസ്വസ്ഥരാണ് . കെഎഫ്സി ഇന്ത്യയെ ബഹിഷ്കരിക്കണമെന്ന ആവശ്യങ്ങളും സോഷ്യൽ മീഡിയയിൽ ശക്തമായി തുടങ്ങി.
