പനാജി: ഗോവയുടെ പാരമ്പര്യവും സംസ്കാരവും കാത്തുസംരക്ഷിച്ചുള്ള സുസ്ഥിരഭരണമാണ് ബിജെപി നടത്തുന്നത്. ഇത്തവണയും സമൃദ്ധമായ ഗോവയ്ക്കായി ബിജെപിയെ അധികാരത്തിലേറ്റണമെന്ന ആഹ്വാനവുമായി കേന്ദ്രമന്ത്രി അമിത് ഷാ. വോട്ടർമാരെ അഭിസംബോധന ചെയ്യുകയായിരുന്നു അമിത്ഷാ. ട്വിറ്ററിലൂടെയാണ് സന്ദേശം നൽകിയത്.
I urge our sisters and brothers of Goa, to vote in large numbers. Only a stable, decisive and corruption-free government can ensure the development of the state. So come out and vote for a prosperous Goa.
— Amit Shah (@AmitShah) February 14, 2022
സുസ്ഥിരവും അഴിമതി രഹിതവുമായ സർക്കാറാണ് ഗോവ ഭരിച്ചത്. വികസനത്തിന്റെ എല്ലാ നേട്ടങ്ങളും ജനങ്ങളിലെത്താൻ ഇത് ആവശ്യമാണ്. ഗോവയിലെ ജനങ്ങൾ എല്ലാവരും അവരവരുടെ സമ്മജിദാനാവകാശം വിനിയോഗിക്കണം. ഉച്ചയ്ക്ക് മുന്നേ പോളിംഗ് ബൂത്തിലെത്താനാണ് ഏവരും ശ്രമിക്കേണ്ടതെന്നും ശാരിരിക അവശതയുള്ളവരെ പോലും വോട്ടിംഗിന് സഹായിക്കണെന്നും അമിത് ഷാ പറഞ്ഞു.
ബിജെപിക്കൊപ്പം കോൺഗ്രസാണ് ഭരണം തിരികെ പിടിക്കാൻ പോരാടുന്നത്. ഇതിനിടെ ഗോവയിൽ കോൺഗ്രസിനൊപ്പം പോരാടുമെന്ന് ആദ്യം പ്രഖ്യാപിച്ച മമതയുടെ തൃണമൂലിനെ സോണിയാ ഗാന്ധി തള്ളിയതും വാർത്തയായി. ആം ആദ്മിപാർട്ടി ലക്ഷ്യമിടുന്നത് കോൺഗ്രസിന്റെ വോട്ടുകളാണ്. ശക്തരായ നേതാക്കളില്ലാത്ത കോൺഗ്രസും തൃണമൂലും ബിജെപിയുടെ മുന്നേറ്റം സുഗമമാക്കുമെന്നാണ് സംസ്ഥാന ഘടകം പറയുന്നത്.
Comments