കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിൽ നിന്ന് രക്ഷപ്പെട്ട സ്ത്രീയെ കണ്ടെത്തി. മാനസികാരോഗ്യ കേന്ദ്രത്തിൽ നിന്ന് രക്ഷപ്പെട്ട ഉമ്മുക്കുൽസുവിനെയാണ് പിടികൂടിയത്. ഇവരെ മലപ്പുറത്ത് നിന്നാണ് പിടികൂടിയത്. തുടർന്ന് ഇവരെ മലപ്പുറം വനിതാ സെല്ലിലേക്ക് മാറ്റി.
കുതിരവട്ടം മാനസികാരോഗ്യ കേന്ദ്രത്തിൽ നിന്ന് രണ്ട് അന്തേവാസികളാണ് ഇന്ന് രാവിലെ ചാടിപ്പോയത് . ഉമ്മുക്കുൽസുവിനൊപ്പം ഒരു പുരുഷനാണ് ചാടിപ്പോയത്.കഴിഞ്ഞ ദിവസം കൊലപാതകം നടന്ന വാർഡിലാണ് വീണ്ടും ഗുരുതരമായ സുരക്ഷാ വീഴ്ച ഉണ്ടായിരിക്കുന്നത്.
വെള്ളം നനച്ച് ഭിത്തി കുതിർത്ത ശേഷം പ്ലേറ്റ് ഉപയോഗിച്ച് തുരന്നാണ് ഉമ്മുക്കുൽസു രക്ഷപ്പെട്ടത്. കുളിക്കാൻ പോകുന്നതിനിടെയാണ് അന്തേവാസിയായ പുരുഷൻ രക്ഷപ്പെട്ടതെന്നാണ് വിവരം.
കുതിരവട്ടം മാനസികാരോഗ്യ കേന്ദ്രത്തിലെ അന്തേവാസിയായ മഹാരാഷ്ട്ര സ്വദേശിനി ജിയ റാം ജിലോട്ടിനെ കഴിഞ്ഞ വ്യാഴാഴ്ച പുലർച്ചെയാണ് മരിച്ച നിലയിൽ കണ്ടെത്തിയത്. മുപ്പതുകാരിയായ ജിയ റാമിനെ ശ്വാസം മുട്ടിച്ചും കഴുത്ത് ഞെരിച്ചും കൊലപ്പെടുത്തിയതാണെന്ന് പോസ്റ്റ് മോർട്ടത്തിലൂടെ വ്യക്തമായിരുന്നു.
Comments