കൊച്ചി : തൊഴിലുറപ്പ് തൊഴിലാളികളോട് സംസ്ഥാന സർക്കാരും, സിപിഎമ്മും കാണിക്കുന്ന വഞ്ചനയുടെ രേഖകൾ പുറത്ത് . തൊഴിലുറപ്പ് കൂലിയുമായി ബന്ധപ്പെട്ട് സംസ്ഥാന സർക്കാർ പ്രൊപ്പൊസൽ നൽകുന്നതിൽ വീഴ്ച വരുത്തിയതാണ് തൊഴിലുറപ്പ് കൂലി വൈകാൻ കാരണമെന്ന് കേന്ദ്ര ഗ്രാമവികസന മന്ത്രാലയം പുറത്ത് വിട്ട രേഖകൾ വ്യക്തമാക്കുന്നു. വിവരാവകാശ പ്രവർത്തകനും, ബിജെപി മുൻ പാലക്കാട് ജില്ലാ ജനറൽ സെക്രട്ടറിയുമായ പി രാജീവിന് നൽകിയ വിവരാവകാശ രേഖയിൽ ആണ് കേന്ദ്രം ഇക്കാര്യങ്ങൾ വ്യക്തമാക്കിയത് .
ഓരോ സംസ്ഥാനവും നൽകുന്ന പ്രൊപ്പോസൽ അടിസ്ഥാനമാക്കിയാണ് കേന്ദ്ര സർക്കാർ തൊഴിലുറപ്പ് കൂലി വിതരണം നടത്തുന്നത് .കേരള സർക്കാർ പ്രൊപ്പൊസൽ നൽകാത്തതു കൊണ്ടാണ് സംസ്ഥാനത്തെ പട്ടികജാതി പട്ടികവർഗ്ഗ വിഭാഗങ്ങൾക്ക് തൊഴിലുറപ്പ് കൂലി കുടിശ്ശിക സംഭവിച്ചിട്ടുള്ളതെന്നാണ് വിവരാവകാശ രേഖ വ്യക്തമാക്കുന്നത്. പ്രൊപ്പോസൽ കാലാവധി അവസാനിക്കാറായാൽ അത് പുതുക്കാനായി സംസ്ഥാനങ്ങൾ അപേക്ഷ സമർപ്പിക്കണം.എന്നാൽ ഇത് പുതുക്കി നൽകുന്നതിൽ കേരള സർക്കാർ വീഴ്ച വരുത്തുകയായിരുന്നു.
രാജ്യത്ത് തൊഴിലുറപ്പ് തൊഴിലാളികൾക്ക് കൂലി നൽകുന്നത് പട്ടികജാതി,പട്ടികവർഗ്ഗം,മറ്റുള്ളവർ എന്ന മൂന്ന് വിഭാഗം അനുസരിച്ചാണ്. ഭരണ ഘടനാ നിർദേശങ്ങളുടെ അടിസ്ഥാനത്തിലാണ് പട്ടിക ജാതി, പട്ടികവർഗ വിഭാഗങ്ങൾക്കുള്ള പ്രത്യേക പരിഗണന. മൂന്ന് വിഭാഗങ്ങൾക്ക് പ്രത്യേകമായാണ് കൂലി വിതരണം ചെയ്യുന്നത്. അതത് സംസ്ഥാന സർക്കാരുകൾ നൽകുന്ന പ്രൊപ്പൊസൽ അടിസ്ഥാനമാക്കിയാണ് ഇത്തരത്തിൽ തൊഴിലുറപ്പ് കൂലി വിതരണം ചെയ്യുന്നത് .കേരള സർക്കാർ പ്രൊപ്പൊസൽ കാലാവധി അവസാനിക്കുന്നതിന് മുൻപ് പുതുക്കിയ പ്രൊപോസൽ നൽകാത്തതു കൊണ്ട് സംസ്ഥാനത്തെ പട്ടികജാതി പട്ടികവർഗ്ഗ വിഭാഗങ്ങൾക്ക് തൊഴിലുറപ്പ് കൂലി കുടിശ്ശികയാവുകയായിരുന്നു .
അതെ സമയം ജാതീയമായ വേർതിരിവ് മൂലമാണ് പട്ടികജാതി- പട്ടികവർഗ്ഗ വിഭാഗങ്ങൾക്ക് കൂലി വിതരണം ചെയ്യാത്തതെന്നാണ് സിപിഎം പ്രചാരണം. സംസ്ഥാന സർക്കാരിന്റെ വീഴ്ച മനപ്പൂർവം മറച്ചു വെച്ച് കൊണ്ടാണ് തൊഴിലുറപ്പ് തൊഴിലാളികളെ ജാതീയമായി ഭിന്നിപ്പിക്കാനുള്ള ശ്രമം .കേന്ദ്ര സർക്കാർ തൊഴിലുറപ്പ് പദ്ധതി തകർക്കാൻ ശ്രമിക്കുന്നുവെന്നും, ജാതീയമായ വേർതിരിവ് നടത്തുന്നുവെന്നും ആരോപിച്ച് സിപി എം സംസ്ഥാന വ്യാപകമായി പ്രചാരണം നടത്തുന്നുണ്ട് . വാസ്തവം മറച്ച് വെച്ച് തൊഴിലാളികളെ തെറ്റിദ്ധരിപ്പിച്ച് കൊണ്ടാണ് ഇത്തരത്തിൽ സമരവും , പ്രതിഷേധവും നടക്കുന്നത് .
സംസ്ഥാനത്തെ തൊഴിലുറപ്പ് തൊഴിലാളികളെ കേന്ദ്ര സർക്കാരിനെതിരെ തിരിക്കാനുള്ള സി പി എം ശ്രമം ആണ് വിവരാവകാശ രേഖയിലൂടെ പൊളിയുന്നത് .
പി രാജീവിന്റെ ഫേസ് ബുക്ക് പോസ്റ്റ്:
https://www.facebook.com/rajeevkeralassery.p/posts/4818324214928341
