‘ കറുത്ത കരുക്കൾ വെച്ചുളള നീക്കം അതിശയകരം, നിന്നെയോർത്ത് ഭാരതം അഭിമാനിക്കുന്നു.’ ചെസ്സിൽ ലോകചാമ്പ്യനെ തോൽപ്പിച്ച പ്രഗ്നാനന്ദയെ അഭിനന്ദിച്ച് സച്ചിനും കേന്ദ്ര കായിക അതോറിറ്റിയും

മുംബൈ: 16-ാം വയസ്സിൽ ലോക ചെസ് ചാമ്പ്യനെ തോൽപ്പിച്ച പ്രതിഭയ്‌ക്ക് അഭിന്ദനങ്ങൾ ചൊരിഞ്ഞ് ക്രിക്കറ്റ് ഇതിഹാസം സച്ചിനും കേന്ദ്ര കായിക അതോറിറ്റിയും.  മാഗ്നസ് കാൾസണെയാണ് ഇന്ത്യൻ കൗമാര താരമായ തമിഴ്‌നാടിന്റെ പ്രഗ്നാനന്ദ തോൽപ്പിച്ചത്. ഓൺലൈനിൽ നടന്ന പോരാട്ടത്തിലാണ് ഇന്ത്യൻ താരത്തിന്റെ നേട്ടം. റാപ്പിഡ് ചെസ്സ് ടൂർണ്ണമെന്റിലാണ് സ്വപ്‌നതുല്യ നേട്ടം കൈവരിച്ചത്. കാൾസണിനെ തോൽപ്പിച്ച ശേഷം തുടർച്ചയായി രണ്ടു മത്സരങ്ങൾ കൂടി പ്രഗ്നാനന്ദ ജയിച്ച് മുന്നേറ്റം തുടരുകയാണ്. ഇതോടെ ടൂർണ്ണമെന്റിൽ 14 പോയിന്റായി. മുൻപ് കാൾസണിനെ തോൽപ്പിച്ച രണ്ട് സീനിയർ താരങ്ങൾ വിശ്വനാഥൻ ആനന്ദും പി.ഹരികൃഷ്ണയുമാണ്.

Sachin Tendulkar on Twitter: “What a wonderful feeling it must be for Pragg. All of 16, and to have beaten the experienced & decorated Magnus Carlsen, and that too while playing black, is magical! Best wishes on a long & successful chess career ahead. You’ve made India proud! https://t.co/hTQiwznJvX” / Twitter

‘ഈ നേട്ടം ശരിക്കും അതിശയിപ്പിക്കുന്നതാണ്. വെറും 16-ാം വയസ്സിൽ ലോക ചാമ്പ്യനും ഏറെ പ്രശസ്തനുമായ മാഗ്നസ് കാൾസനെ പരാജയപ്പെടുത്തുക എന്നുവെച്ചാൽ അതും കറുത്ത കരുക്കൾ കൊണ്ടെന്നത് അവിശ്വസനീയമാണ്. ഇന്ത്യയുടെ അഭിമാനമയായ യുവതാരത്തിന് എല്ലാ അഭിനന്ദനങ്ങളും. ദീർഘ കാലം കായികരംഗത്ത് വിജയങ്ങൾ ആവർത്തിക്കാൻ സാധിക്കട്ടെ. നിന്നെ യോർത്ത് ഭാരതം അഭിമാനിക്കുന്നു ‘ സച്ചിൻ ട്വിറ്ററിൽ കുറിച്ചു.

മത്സരത്തിൽ 12-ാം സ്ഥാനക്കാരനായാണ് പ്രഗ്നാനന്ദ കാൾസണിനെതിരെ മത്സരിച്ചത്. ടൂർണ്ണമെന്റിൽ രണ്ടു സമനിലയും നാല് തോൽവിയും പിണഞ്ഞ ശേഷമാണ് ലോകചാമ്പ്യനെതിരെ തന്റെ ആദ്യ ജയം കുറിച്ചതെന്നതും പ്രത്യേകതയാണ്. ടൂർണ്ണമെന്റിൽ 19 പോയിന്റുകളോടെ റഷ്യയുടെ ഇയാൻ നേപ്പോമേനിയാച്ചിയാണ് മുന്നിലുള്ളത്. ജയിക്കുന്ന മത്സരത്തിന് മൂന്ന് പോയിന്റും സമനില വന്നാൽ ഒരു പോയിന്റുമാണ് ലഭിക്കുക.