കൊല്ലം: കൊട്ടിയത്ത് കെ- റെയിൽ പദ്ധതി വിശദീകരിക്കാൻ എത്തിയ മുൻ മന്ത്രിയും സിപിഎം നേതാവുമായ ജെ മെഴ്സിക്കുട്ടിയമ്മയ്ക്കെതിരെ നാട്ടുകാരുടെ പ്രതിഷേധം. സ്ത്രീകൾ അടക്കമുളളവരാണ് പ്രതിഷേധം പ്രകടിപ്പിച്ചത്. കെ റെയിലിനെതിരെ ഇവർ മുദ്രാവാക്യം വിളിച്ചതോടെ കാര്യങ്ങൾ വിശദീകരിക്കാനാകാതെ മെഴ്സിക്കുട്ടിയമ്മയ്ക്ക് മടങ്ങേണ്ടി വന്നു.
സ്ഥലം ഏറ്റെടുക്കലിനുള്ള കല്ലിടലിനെതിരെ നേരത്തെ വലിയ പ്രതിഷേധം ഉയർന്ന വഞ്ചിമുക്കിലേക്കാണ് മെഴ്സികുട്ടിയമ്മ എത്തിയത്. പദ്ധതി നടപ്പാക്കാൻ അനുവദിക്കില്ലെന്ന് പറഞ്ഞായിരുന്നു ഒരു വിഭാഗം നാട്ടുകാരുടെ പ്രതിഷേധം. നിങ്ങൾ എല്ലാം നിങ്ങൾക്ക് ഇഷ്ടമുളളതല്ലേ ചെയ്യുന്നത്. അഞ്ച് സെന്റിലും പത്ത് സെന്റിലുമൊക്കെ കഴിയുന്ന ഞങ്ങൾ എന്ത് ചെയ്യുമെന്നായിരുന്നു നാട്ടുകാരുടെ ചോദ്യം
ഇതിന് പിന്നാലെ കെ റെയിൽ വേണ്ടേ വേണ്ട എന്ന് പറഞ്ഞ് സ്ത്രീകൾ മുദ്രാവാക്യം വിളിച്ചു. ഇതോടെ മെഴ്സിക്കുട്ടിയമ്മ മടങ്ങുകയായിരുന്നു.
Comments