വീണ്ടും സൂര്യനെ തൊട്ട് പാർക്കർ സോളാർ പ്രോബ്. പ്രോബിന്റെ ഷീൽഡ് 760 ഡിഗ്രി സെൽഷ്യസ് വരെ ചൂട് അനുഭവപ്പെട്ടതായാണ് വിവരം. സൂര്യൻ എങ്ങനെയാണ് പ്രവർത്തിക്കുന്നത് എന്ന് അറിയുന്നതിന് വേണ്ടിയാണ് സോളാർ പ്രോബ് സൂര്യന്റെ ആഴങ്ങളിൽ ചെന്ന് പരിശോധന നടത്തുന്നത്. ഇത് 11ാം തവണയാണ് സൂര്യനോട് വളരെ അടുത്തു ചെന്നുള്ള പരിശോധന സോളാർ പ്രോബ് നടത്തുന്നത്. മണിക്കൂറിൽ 579363 കിലോമീറ്റർ വേഗതയിലാണ് പ്രോബ് സഞ്ചരിക്കുന്നത്. എന്നാൽ ഇപ്പോഴും സൂര്യനിൽ നിന്നും 5.3 ദശലക്ഷം മൈൽ അകലെയാണ് പ്രോബ് ഉള്ളത്. എന്നാൽ സൂര്യനോട് ഇത്ര അടുത്ത് മനുഷ്യ നിർമ്മിതമായ ഒരു വസ്തുവും എത്തിയിട്ടില്ല. ഇത്ര ദൂരത്തിൽ നിൽക്കുമ്പോഴും 1400 ഡിഗ്രി ഫാരൻഹീറ്റാണ് അനുഭവപ്പെടുന്നത്.
സൂര്യനോട് ഏറ്റവും ചേർന്ന് എത്താനുള്ള 10ാമത്തെ ശ്രമത്തിൽ പ്രോബ് 8.5 ദശലക്ഷം കിലോമീറ്റർ അകലെ എത്തിയിരുന്നു. സൂര്യന്റെ അതികഠിനമായ ചൂട് മറികടന്ന് 40 ലക്ഷം മൈൽ അകലെ വരെ എത്തുക എന്നതാണ് ദൗത്യത്തിന്റെ അന്തിമ ലക്ഷ്യം. ഈ പഠനത്തിൽ നിന്ന് ലഭിക്കുന്ന വിവരങ്ങൾ നാസയുടെ 2024ലെ ചൗന്ദ്രദൗത്യത്തിനും പിന്നീട് വരുന്ന ചൊവ്വാ ദൗത്യത്തിനും വളരെ അധികം ഗുണകരമാകുമെന്നാണ് പ്രതീക്ഷിക്കുന്നത്. മറ്റൊരു ബഹിരാകാശ പേടകവും സൂര്യന് ഇത്രയടുത്ത് എത്തിയിട്ടില്ല. 2018 ഓഗസ്റ്റ് രണ്ടിനാണ് സോളാർ പാർക്കർ പ്രോബ് വിക്ഷേപിച്ചത്.
Today, Parker Solar Probe completed its 11th close approach to the Sun, coming within 5.3 million miles from the Sun. At this distance, the spacecraft experienced temperatures exceeding 1400°F.#ParkerPerihelion pic.twitter.com/VpN89QL98i
— ARCHIVED – NASA Sun & Space (@NASASun) February 25, 2022
സൗരക്കാറ്റിന് ഇത്ര പെട്ടന്ന് ഇത്രയധികം വേഗത എങ്ങനെ കൈവരിക്കാനാകും, സൂര്യന്റെ പുറത്തെ അന്തരീക്ഷം എങ്ങനെയാണ് സൗരപ്രതലത്തേക്കാൾ ചൂട് കൂടുതലുള്ളതാകുന്നത് തുടങ്ങിയ കാര്യങ്ങളെല്ലാം സോളാർ പ്രോബ് പഠന വിധേയമാക്കും. സൂര്യന്റെ അന്തരീക്ഷത്തിലെ കാന്തിക തരംഗങ്ങളെ കുറിച്ചുള്ള ചില പുതിയ അറിവുകൾ പാർക്കർ ദൗത്യത്തിൽ നിന്നും ലഭിച്ചിട്ടുണ്ട്. 92 വയസ്സുള്ള യൂജിൻ പാർക്കർ എന്ന അസ്‌ട്രോഫിസിസിസ്റ്റിൽ നിന്നാണ് പാർക്കർ പ്രോബിന് ഈ പേര് ലഭിക്കുന്നത്. സൂര്യനുമായി ബന്ധപ്പെട്ടുള്ള നിരവധി കാര്യങ്ങൾ പാർക്കർ പറഞ്ഞിട്ടുണ്ട്. അദ്ദേഹത്തിന്റെ സംഭാവനകൾ പരിഗണിച്ചാണ് സൗരദൗത്യത്തിന് ആ പേര് നൽകിയത്.
