കൊച്ചി: യുക്രെയ്നിൽ റഷ്യയുടെ യുദ്ധം ആരംഭിച്ചത് മുതൽ ആഗോള വിപണിയിൽ നിരവധി മാറ്റങ്ങളാണ് സംഭവിച്ചത്. ക്രൂഡോയിലിനും സ്വർണത്തിനും കുത്തനെ വില കൂടിയിരുന്നു. എന്നാലിന്ന് സ്വർണത്തിന് കുത്തനെ വില കുറഞ്ഞുവെന്നാണ് റിപ്പോർട്ട്.
പവന് 400 രൂപയാണ് ഇന്ന് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 37,080 രൂപയായി. ഒരു ഗ്രാം സ്വർണവില 50 രൂപ കുറഞ്ഞ് 4,635-ൽ എത്തി. ഇന്നലെയും സ്വർണവില കുറഞ്ഞിരുന്നു. 320 രൂപയാണ് കുറഞ്ഞത്. ഇത് പ്രകാരം കഴിഞ്ഞ രണ്ട് ദിവസത്തിനിടെ 720 രൂപ പവന് കുറഞ്ഞു.
റഷ്യ-യുക്രെയ്ൻ യുദ്ധം തുടങ്ങിയതിന് പിന്നാലെ ഒറ്റദിവസം കൊണ്ട് 1,000 രൂപയാണ് സ്വർണത്തിന് കൂടിയത്. രണ്ടു തവണയായാണ് വില വർദ്ധിച്ചത്. രാവിലെ 680 രൂപ കൂടിയ പവൻ വിലയിൽ ഉച്ചയോടെ 320 രൂപ വീണ്ടും കൂടി. ഈ മാസത്തെ ഏറ്റവും ഉയർന്ന വിലയാണിത്. എന്നാൽ പിറ്റേന്ന് തന്നെ ഓഹരി വിപണി തിരിച്ചു കയറി. ഇതോടെയാണ് സ്വർണവില കുറയുന്ന പ്രവണത ആരംഭിച്ചത്.
Comments