ന്യൂഡൽഹി; യുക്രെയ്ൻ ദൗത്യത്തിൽ ഇടപെടലുകൾ ആവശ്യപ്പെട്ട് സുപ്രീം കോടതിയിൽ ഹർജി.റൊമാനിയ അതിർത്തിയിൽ കുടുങ്ങിയ ഇന്ത്യക്കാരെ രക്ഷപ്പെടുത്താൻ ഇടപെടണമെന്ന് ആവശ്യപ്പെട്ടായിരുന്നു ഹർജി.എന്നാൽ യുക്രെയ്‌നിലെ റഷ്യൻ അധിനിവേശത്തിൽ സുപ്രീം കോടതിയ്‌ക്ക് ഒന്നും ചെയ്യാനില്ലെന്ന് ഹർജി പരിഗണിച്ച് കൊണ്ട് ചീഫ് ജസ്റ്റിസ് എൻ വി രമണ പറഞ്ഞു.
ഇക്കാര്യത്തിൽ കോടതിയ്‌ക്ക് എന്താണ് ചെയ്യാനാവുക? റഷ്യൻ പ്രസിഡന്റിനോട് യുദ്ധം നിർത്തിവെയ്‌ക്കാൻ ആവശ്യപ്പെടാൻ എനിക്കു കഴിയുമോ? ഹർജി പരിഗണിക്കവേ ജസ്റ്റിസ് ചോദിച്ചു. ഹർജിയിൽ പിന്നീട് വാദം കേൾക്കും.
സമൂഹമാദ്ധ്യമങ്ങളിൽ ജസ്റ്റിസ് എന്തെടുക്കയാണെന്ന് ചിലർ ചോദിക്കുന്നതിന്റെ വീഡിയോകൾ താൻ കണ്ടെന്ന് അദ്ദേഹം പറഞ്ഞു. നിലവിൽ രക്ഷാദൗത്യം പുരോഗമിക്കുന്നുണ്ടല്ലോയെന്ന് ചോദിച്ച ജസ്റ്റിസ് ഹർജി പിന്നീട് പരിശോധിക്കാമെന്നും ഇക്കാര്യത്തിൽ അറ്റോർണി ജനറലിനോട് ഉപദേശം തേടാമെന്നും വ്യക്തമാക്കി.
