വാഷിംഗ്ടൺ: അമേരിക്കൻ പൗരന്മാരോട് റഷ്യയിൽ പോകരുതെന്ന് ആവർത്തിച്ച് യുഎസ് സ്റ്റേറ്റ് ഡിപ്പാർട്ട്മെന്റ്. യുക്രെയ്നെതിരെ റഷ്യ നടക്കുന്ന ക്രൂരമായ ആക്രമണങ്ങൾ ഒരിക്കലും ന്യായീകരിക്കാനാവില്ലെന്നും മനുഷ്യത്വ രഹിതമായ പ്രവർത്തനങ്ങളാണ് റഷ്യ നടത്തുന്നതെന്നും അമേരിക്ക ആരോപിച്ചു.
റഷ്യയിലുള്ള അമേരിക്കൻ പൗരന്മാരോട് അവർക്കുള്ള പെരുമാറ്റവും ശരിയായ തരത്തിലല്ല. അമേരിക്ക യുക്രെയ്നെ പിന്തുണയ്ക്കുമെന്ന് പ്രഖ്യാപിച്ചതോടെ റഷ്യയിലുള്ള യുഎസ് പൗരന്മാർക്ക് അവിടെ കഠിന പീഡനങ്ങൾ നേരിടേണ്ടി വന്നതായി റിപ്പോർട്ടുകൾ ലഭിച്ചു. കൂടാതെ, സത്യം പറയുന്നവരെയെല്ലാം റഷ്യ ശത്രുവായി കാണുകയാണെന്നും യുഎസ് സ്റ്റേറ്റ് ഡിപ്പാർട്ട്മെന്റ് പറഞ്ഞു.
അതേസമയം, കഴിഞ്ഞ ആഴ്ച റഷ്യയിലെ എംബസികളുടെ പ്രവർത്തനം അമേരിക്ക അവസാനിപ്പിച്ചിരുന്നു. എംബസി ജീവനക്കാരോടും അവരുടെ കുടുംബാംഗങ്ങളോടും തിരികെ രാജ്യത്ത് മടങ്ങാൻ അമേരിക്ക നിർദ്ദേശം നൽകിയിരുന്നു. മിൻസ്ക്, ബലറൂസ് എന്നിവിടങ്ങളിലെ എംബസികളുടെ പ്രവർത്തനങ്ങളാണ് അമേരിക്ക അവസാനിപ്പിച്ചത്.
Comments