മലയാള മിനിസ്ക്രീന് പ്രേക്ഷകരുടെ പ്രിയപ്പെട്ട അവതാരകയും നടിയുമാണ് അശ്വതി ശ്രീകാന്ത്. അവതാരകയായി എത്തിയ അശ്വതി പിന്നീട് അഭിനയ രംഗത്തേക്ക് കൂടി ചുവട് വയ്ക്കുകയായിരുന്നു. രണ്ടാമത്തെ കുഞ്ഞ് ഉണ്ടായതിന് ശേഷം അഭിനയ ജീവിതത്തിന് താത്കാലിക ഇടവേള നല്കിയിരിക്കുകയാണ് താരം. അതേസമയം സമൂഹമാദ്ധ്യമത്തില് വളരെ സജീവമാണ് അശ്വതി. ഇളയ മകളായ കമലയ്ക്ക് കൊല്ലൂര് മൂകാംബിക ക്ഷേത്രത്തില് ചോറൂണ് നടത്തിയതിന്റെ ചിത്രങ്ങള് അശ്വതി ഇന്സ്റ്റഗ്രാമില് പങ്കു വച്ചിരുന്നു. ഭര്ത്താവ് ശ്രീകാന്തും മൂത്ത മകള് പത്മയും ഇവര്ക്കൊപ്പം ഉണ്ടായിരുന്നു.
ചടങ്ങിന്റെ ചിത്രങ്ങള്ക്ക് താഴെ നിരവധി പേരാണ് ആശംസകള് അറിയിച്ചത്. അതേസമയം അല്പ്പം പരിഹാസ ചോദ്യവുമായി ഒരു കമന്റും ഇതിനൊപ്പം ഉണ്ടായിരുന്നു. ‘ പുരോഗമനവും ദൈവ വിശ്വാസവും ഒരുമിച്ച് വേണോ ചേച്ചി’ എന്നായിരുന്നു ചോദ്യം. ഉടനെ തന്നെ അശ്വതി ഇതിന് മറുപടി നല്കി. ‘ താന് നിരീശ്വരവാദിയോ, തീവ്രവാദിയോ അല്ലെന്നായിരുന്നു’ മറുപടി. എന്നാല് ഉടനെ തന്നെ ചോദ്യകര്ത്താവ് അടുത്ത ചോദ്യവുമായി എത്തുകയായിരുന്നു.
‘ അപ്പൊ മകള്ക്ക് വീട്ടില് നിന്ന് ആദ്യത്തെ ഊണ് കൊടുത്തിരുന്നെങ്കില് എന്തെങ്കിലും ദോഷം ഉണ്ടാകുമായിരുന്നോ’ എന്നായിരുന്നു ചോദ്യം. ഇതിനും അശ്വതി മറുപടി നല്കി. ‘ മൂത്ത മകള്ക്ക് വീട്ടില് തന്നെയാണ് കൊടുത്തത്. ഇത്തവണ ഇവിടെ വരണമെന്ന് തോന്നി, വന്നു. രണ്ടും ദോഷമൊന്നും ഉണ്ടായില്ല’. ചുട്ട മറുപടി ലഭിച്ചതോടെ ചോദ്യകര്ത്താവ് പതിയെ പിന്തിരിയുകയായിരുന്നു. പരിഹാസ ചോദ്യങ്ങള്ക്ക് മികച്ച മറുപടി നല്കിയതിന് നിരവധി പേരാണ് അശ്വതിയെ പിന്തുണച്ചിരിക്കുന്നത്.
Comments