ചണ്ഡീഗണ്ഡ്: പഞ്ചാബിലെ കോൺഗ്രസ് എംപിമാരുമായി കൂടിക്കാഴ്ച നടത്തി കോൺഗ്രസ് ഇടക്കാല അദ്ധ്യക്ഷ സോണിയ ഗാന്ധി.തലസ്ഥാനത്തെ പാർട്ടി ഓഫീസിൽ വെച്ചാണ് കൂടിക്കാഴ്ച നടത്തിയത്.
പഞ്ചാബ് കോൺഗ്രസ് അദ്ധ്യക്ഷ സ്ഥാനത്ത് നിന്ന് നവ് ജ്യോത് സിംഗ് സിദ്ദു രാജി വെച്ച് മണിക്കൂറുകൾക്കകമാണ് കൂടിക്കാഴ്ച. കഴിഞ്ഞ ദിവസം ഉത്തർപ്രദേശ്, ഉത്തരാഖണ്ഡ്, പഞ്ചാബ്, മണിപ്പൂർ,ഗോവ എന്നീ സംസ്ഥാനങ്ങളിലെ പാർട്ടി അദ്ധ്യക്ഷൻമാരോട് രാജി വെയ്ക്കണമെന്ന് ആവശ്യപ്പെട്ടിരുന്നു. ഈ സംസ്ഥാനങ്ങളിലെ കോൺഗ്രസ് കമ്മിറ്റികളുടെ പുന:സംഘടന സുഗമമാക്കുന്നതിനാണ് രാജി ആവശ്യപ്പെട്ടത്. പ്രവർത്തക സമിതി യോഗത്തിന് ശേഷമാണ് പാർട്ടിയുടെ പുതിയ നീക്കങ്ങൾ.
അഞ്ച് സംസ്ഥാനങ്ങളിലേക്ക് നടന്ന നിയമസഭാ തിരഞ്ഞെടുപ്പിൽ ദയനീയ പരാജയമാണ് കോൺഗ്രസ് ഏറ്റുവാങ്ങിയത്. തിരഞ്ഞെടുപ്പ് ഫലം പുറത്ത് വന്നതോട് കൂടി ബിജെപിയുടെ തേരോട്ടത്തിൽ കോൺഗ്രസ് തകർന്നടിയുന്നതാണ് കാണാൻ സാധിച്ചത്.
.അഞ്ച് സംസ്ഥാനങ്ങളിലും ഭൂരിഭാഗം സ്ഥാനാർത്ഥികൾക്കും കെട്ടിവെച്ച കാശ് വരെ നഷ്ടമായിരുന്നു. കോൺഗ്രസിന്റെ അന്ത്യം സംഭവിച്ചു എന്ന രീതിയിൽ വിലയിരുത്തലുകൾ ശക്തമായതോട് കൂടിയാണ് പാർട്ടി തിടുക്കപ്പെട്ട് പുന: സംഘടനയ്ക്കും നേതൃമാറ്റത്തിനും ഒരുങ്ങുന്നതെന്നാണ് രാഷ്ട്രീയ നിരീക്ഷകർ ചൂണ്ടിക്കാട്ടുന്നത
