ലക്നൗ; ഇരുചക്രവാഹനത്തിൽ നമ്പർ പ്ലേറ്റ് ഘടിപ്പിക്കാതെ യാത്ര ചെയ്ത മൂന്ന് പേർ പിടിയിൽ. നമ്പർ പ്ലേറ്റിന്റെ സ്ഥാനത്ത് പാൽ സാഹിബ് വന്നിരുന്നുവെന്ന് അവരോട് പറയൂ എന്ന വാചകം എഴുതിയ ബോർഡാണ് സംഘം പ്രദർശിപ്പിച്ചിരുന്നത്.
ഉത്തർപ്രദേശിലാണ് സംഭവം. രസകരമായ രീതിയിൽ നിയമലംഘനം നടത്തിയത് ഔറയ്യ പോലീസ് സൂപ്രണ്ട് അഭിഷേക് വർമ്മയാണ് ട്വിറ്ററിലൂടെ പുറത്ത് വിട്ടത്. നമ്പർ പ്ലേറ്റില്ലാതെ യാത്ര ചെയ്തതിനും ഇരുചക്രവാഹനത്തിൽ ഹെൽമറ്റ് ഇല്ലാതെ യാത്ര ചെയ്തതിനും മൂന്ന് പേർ യാത്ര ചെയ്തതിനുമാണ് ഇവർക്കെതിരെ കേസ് രജിസ്റ്റർ ചെയ്തിരിക്കുന്നത്.
സിനിമാ ഡയലോഗുകളും ഉദ്ധരിണികളും പതിപ്പിച്ച വാഹനങ്ങൾ നിരത്തുകളിൽ നാം കാണാറുണ്ട്.എന്നാൽ നമ്പർ പ്ലേറ്റിന് പകരം ഡയലോഗ് പതിപ്പിച്ച വിരുതന്മാർ അപൂർവ്വമാണെന്നാണ് സംഭവം അറിഞ്ഞ പലരും അഭിപ്രായപ്പെടുന്നത്.
