ധാക്ക: രക്ഷാപ്രവർത്തനത്തിൽ ചരിത്രം കുറിച്ച ഇന്ത്യയ്ക്ക് നന്ദി പറഞ്ഞ് ബംഗ്ലാദേശ്. യുക്രെയ്നിലെ യുദ്ധമുഖത്തുനിന്നും ബംഗ്ലാദേശി വിദ്യാർത്ഥികളേയും രക്ഷിക്കാൻ പ്രധാനമന്ത്രി നരേന്ദ്രമോദി കാണിച്ച സന്മനസ്സിനാണ് ബംഗ്ലാദേശ് പ്രധാനമന്ത്രി ഷേഖ് ഹസീന നന്ദി അറിയിച്ചത്.
‘യുക്രെയ്നിലെ അതീവ അപകടമേഖലയായിരുന്ന സുമിയിൽ നിന്നും ബംഗ്ലാദേശിൽ നിന്നുള്ള വിദ്യാർത്ഥികളെ രക്ഷപെടുത്തിയത് ഇന്ത്യയുടെ സമയോചിതമായ ഇടപെട ലാണെന്ന് നന്ദിയോടെ സ്മരിക്കുന്നു. ഇന്ത്യൻ വിദ്യാർത്ഥികൾക്കൊപ്പം അതേ പ്രാധാന്യ ത്തോടെ ഞങ്ങളുടെ വിദ്യാർത്ഥികളേയും പുറത്തെത്തിക്കാൻ പ്രധാനമന്ത്രിയെന്ന നിലയിൽ താങ്കൾ കാണിച്ച സന്മനസ്സിന് നന്ദി രേഖാമൂലം അറിയിക്കുകയാണ്.’ ഷേഖ് ഹസീന നരേന്ദ്രമോദിക്ക് എഴുതിയ കത്തിൽ സൂചിപ്പിച്ചു.
കടുത്ത മാനസിക സംഘർഷത്തിലും ഭീതിയിലുമാണ് തങ്ങളുടെ വിദ്യാർത്ഥികൾ ദിവസങ്ങൾ തള്ളിനീക്കിയത്. നേരിട്ട് കടന്നുചെന്ന് ഒന്നും ചെയ്യാൻ സാധിക്കാത്ത അന്തരീക്ഷത്തിൽ ഇന്ത്യയുടെ നയതന്ത്രമികവാണ് തങ്ങൾക്ക് തുണയായതെന്നും പ്രധാനമന്ത്രി ഷേഖ് ഹസീന തുറന്നു പ്രതികരിച്ചു. കഴിഞ്ഞ വർഷം ആദ്യം പ്രധാനമന്ത്രി ഷേഖ് മുജീബുർ റഹ്മാന്റെ ജന്മശതാബ്ദി പരിപാടിക്കായി നരേന്ദ്രമോദി ബംഗ്ലാദേശിലെത്തി സൗഹൃദം പുതുക്കിയതും ഷേഖ് ഹസീന എടുത്തുപറഞ്ഞു.
