മോസ്‌കോ: യുഎഇ വിദേശകാര്യ, അന്താരാഷ്‌ട്ര സഹകരണ മന്ത്രി ശൈഖ് അബ്ദുല്ല ബിൻ സയിദ് മോസ്‌കോയിലെത്തി. റഷ്യൻ വിദേശകാര്യ മന്ത്രി സെർജി ലവ്‌റോവുമായി അദ്ദേഹം കൂടിക്കാഴ്ച നടത്തി.
യുക്രെയ്ൻ യുദ്ധം, എണ്ണ-ഭക്ഷ്യ സുരക്ഷ തുടങ്ങിയ വിഷയങ്ങൾ ഇരുകൂട്ടരും ചർച്ച ചെയ്തു. യുക്രെയ്ൻ വിഷയത്തിൽ നയതന്ത്ര പരിഹാരം വേണമെന്നും എല്ലാവിധ പിന്തുണ നൽകാനും യുഎഇ തയ്യാറാണെന്നും ശൈഖ് അബ്ദുല്ല പറഞ്ഞു.
ആഗോള തലത്തിൽ ഭക്ഷ്യസുരക്ഷയ്‌ക്കും ഭക്ഷ്യവസ്തുക്കളുടെ ഇറക്കുമതി-കയറ്റുമതികൾക്കും മുൻഗണന നൽകണം. ഭക്ഷ്യ വിതരണം സുരക്ഷിതമാണെന്ന് ഉറപ്പാക്കുന്നതിനെക്കുറിച്ചും നേതാക്കൾ ചർച്ച ചെയ്തു. എണ്ണ-ഭക്ഷ്യസുരക്ഷ മേഖലകളിൽ റഷ്യയുമായുള്ള സഹകരണം പ്രാധാന്യമർഹിക്കുന്നതാണെന്നും അദ്ദേഹം പറഞ്ഞു.
