നിലമ്പൂർ : മലപ്പുറത്ത് ഫുട്ബോൾ ഗാലറി തകർന്നു വീണ് അപകടം. 50 ലേറെ പേർക്ക് പരിക്കേറ്റു. പൂങ്ങോട് ജനകീയസമിതി സംഘടിപ്പിച്ച അഖിലേന്ത്യാ സെവന്സ് ഫുട്ബോള് മത്സരത്തിനിടെയാണ് അപകടം ഉണ്ടായത്.
എട്ടരയോടെയായിരുന്നു സംഭവം. കമ്പും മുളയും കൊണ്ട് കെട്ടിയുണ്ടാക്കിയ ഗാലറിയാണ് തകർന്നത്. ടൂർണമെന്റ് നടക്കുന്നതിനിടെയാണ് ഗ്യാലറി തകർന്ന് വീണത്. കളി തുടങ്ങുന്നതിന് തൊട്ട് മുൻപാണ് അപകടം ഉണ്ടായത്. ഫൈനൽ മത്സരമായിരുന്നു ആരംഭിക്കാനിരുന്നത്.
മൂവായിരത്തിൽ ഏറെ പേരാണ് ഗാലറിയുടെ പരിസരങ്ങളിൽ ഉണ്ടായിരുന്നത്. അപകടത്തിൽ പരിക്കേറ്റവരെ വണ്ടൂര് മിംമ്സ് ആശുപത്രിയിലും മഞ്ചേരി മെർിക്കൽ കോലേജിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് വിവരം.
