ഓമനത്തമുള്ള ഒരു നായയുടെ തല വെട്ടി മതിലിന് മുകളിൽ വെച്ചിരിക്കുന്നു. തികച്ചും അപ്രതീക്ഷിതമായ അൽപം ഭയപ്പെടുത്തുന്ന ഒരു ചിത്രം അടുത്തിടെ സോഷ്യൽ മീഡിയയിൽ വൈറലായിരുന്നു. ഒറ്റനോട്ടത്തിൽ നായയുടെ തല വെട്ടി മതിലിൽ വെച്ചതായാണ് തോന്നുക. ആ ഫോട്ടോ നമുക്കൊന്ന് കണ്ട് നോക്കാം.
ചിത്രം പ്രചരിച്ചതോടെ നായയോട് ചെയ്ത ക്രൂരതയെന്ന് വിലയിരുത്തി നിരവധി പേർ സങ്കടപ്പെട്ടു. മൃഗസ്നേഹികൾ നെഞ്ചത്തടിച്ച് കരഞ്ഞു. സമൂഹമാദ്ധ്യമങ്ങളിൽ പോര് തുടങ്ങി. എന്നാൽ ഈ ചിത്രത്തിന് പിന്നിലുള്ള സത്യാവസ്ഥ എന്താണ്. ആരാണ് ഒരു മൃഗത്തോട് ഇത്രയും ക്രൂരത കാണിച്ചത്. ഇത്തരം കാര്യങ്ങളാണ് ഇപ്പോൾ ചർച്ചയാകുന്നത്.
ചിത്രം വൈറലായതോടെ സംഭവത്തിൽ വിശദീകരണവുമായി നായയുടെ ഉടമ രംഗത്തെത്തിയിരിക്കുകയാണ്. കാഴ്ചക്കാർക്ക് തോന്നുന്നത് പോലെ നായയ്‌ക്ക് ഒന്നും തന്നെ സംഭവിച്ചിട്ടില്ലെന്നാണ് ഉടമസ്ഥൻ പറഞ്ഞത്. തെളിവായി നായയുടെ ഏറ്റവും പുതിയ ഫോട്ടോയും അദ്ദേഹം പങ്കുവെച്ചു.
പിന്നെ എന്തുകൊണ്ടാണ് ആദ്യ ചിത്രം കണ്ട് ആളുകൾ തെറ്റിദ്ധരിച്ചതെന്ന ചോദ്യം ബാക്കിയാണ്. ഒപ്റ്റിക്കൽ ഇല്യൂഷൻ എന്ന പ്രതിഭാസമാണ് ഇതിന് കാരണം. ഇത് മൂലം കാഴ്ചക്കാർ തെറ്റിദ്ധരിക്കപ്പെട്ടതാണ്. ഒരു മതിലിന് മുകളിൽ നായ തലകയറ്റി വെച്ചിട്ടുണ്ടെങ്കിലും ബാക്കി ശരീരം അവിടെത്തന്നെയുണ്ട്. എന്നാൽ ക്യാമറയിൽ ചിത്രം പകർത്തിയ ആംഗിളിന്റെ പ്രത്യേക കൊണ്ട് ഒപ്റ്റിക്കൽ ഇല്യൂഷൻ സംഭവിക്കുകയായിരുന്നു. ഇത് കാരണം നായയുടെ തലയ്‌ക്ക് ചുവടെയുള്ള ശരീരഭാഗം കാണാൻ സാധിച്ചില്ല. ഇതോടെ നായയ്‌ക്ക് ശിരച്ഛേദം സംഭവിച്ചതായി കാഴ്ചക്കാർക്ക് തോന്നി.
യുഎസിലെ ബാൽട്ടിമോർ സ്വദേശിയാണ് നായയുടെ ഉടമസ്ഥൻ. ഹസ്‌കി-ഗോൾഡൽ റിട്രീവർ ക്രോസ് ഇനത്തിൽപ്പെട്ട രണ്ട് വയസുകാരനായ നായയുടെ ചിത്രമാണ് ഒപ്റ്റിക്കൽ ഇല്യൂഷൻ മൂലം വൈറലായത്. മൃഗ സ്‌നേഹികളേ നിങ്ങൾ സങ്കടപ്പെടേണ്ട എന്നേ പറയാനുള്ളു … ഒപ്റ്റിക്കൽ ഇല്യൂഷൻ പണി പറ്റിച്ചതാണ്…… എന്തായാലും നായയുടെ യഥാർത്ഥ ചിത്രമെങ്ങിനെയെന്ന് കാണാം.
