മുംബൈ: പ്രധാനമന്ത്രി നരേന്ദ്ര മോദി ഉറങ്ങുന്നത് വെറും രണ്ട് മണിക്കൂർ മാത്രമാണെന്നും ബാക്കി സമയം മുഴുവൻ രാജ്യത്തിന് വേണ്ടി ഉണർന്നിരിക്കുകയാണെന്നും മഹാരാഷ്ട്ര ബിജെപി അദ്ധ്യക്ഷൻ ചന്ദ്രകാന്ത് പാട്ടീൽ.
കോലാപൂർ നോർത്ത് ഉപതിരഞ്ഞെടുപ്പിന് മുന്നോടിയായി ബിജെപി പ്രവർത്തകരെ അഭിസംബോധന ചെയ്ത് സംസാരിക്കുകയായിരുന്നു ചന്ദ്രകാന്ത് പാട്ടീൽ.
പ്രധാനമന്ത്രി ദിവസവും രണ്ട് മണിക്കൂർ മാത്രമാണ് ഉറങ്ങുന്നത്.ബാക്കി 22 മണിക്കൂറും അദ്ദേഹം ജോലി ചെയ്യുകയാണ്.നമ്മുടെ പ്രധാനമന്ത്രി രാജ്യത്തിന് വേണ്ടി ഒരോ മിനിറ്റിലും പ്രവർത്തിക്കുന്നു. 24 മണിക്കൂറും ഉണർന്നിരിക്കാനാണ് അദ്ദേഹത്തിന്റെ ശ്രമം . ഒരു മിനിറ്റു പോലും പാഴാക്കാൻ അദ്ദേഹം ആഗ്രഹിക്കുന്നില്ലെന്ന് ചന്ദ്രകാന്ത് പാട്ടിൽ കൂട്ടിച്ചേർത്തു.
രാജ്യത്തെ ഏത് പാർട്ടിയിലും നടക്കുന്ന സംഭവങ്ങളെക്കുറിച്ച് അദ്ദേഹം ബോധവാനാണ്, കാര്യക്ഷമമായാണ് അദ്ദേഹം പ്രവർത്തിയ്ക്കുന്നതെന്ന് ചന്ദ്രകാന്ത് പറഞ്ഞു
Comments