ഗോവ: വാശിയേറിയ പോരാട്ടത്തിൽ ബ്ലാസ്റ്റേഴ്സിനെ കീഴടക്കി കീരീടം സ്വന്തമാക്കിയെങ്കിലും പ്രിയ സുഹൃത്തുക്കളെ നഷ്ടപ്പെട്ട ഹൈദരാബാദ് എഫ്സിയുടെ മലയാളി താരത്തിന്റെ ദു:ഖം എറെ പേരെ ഈറനണിയിച്ചു.കീരിടനേട്ടത്തിന്റെ സന്തോഷത്തിലോ ആഹ്ലാദപ്രകടനങ്ങളിലോ പങ്കെടുക്കാൻ മനസ്സനുവദിക്കാതെ എല്ലാം കലങ്ങിയ കണ്ണുകളോടെ നോക്കി നിൽക്കുകയായിരുന്നു അബ്ദുൽ റഹീബ്.
വിജയാഘോഷത്തിനിടയ്ക്ക് താരം ഒരു ചിത്രമെടുത്തു. സ്വന്തം ജേഴ്സിയിൽ ഷിബിലെന്ന് എഴുതിയ അദ്ദേഹം ജംഷീർ എന്ന് എഴുതിയ മറ്റൊരു ജേഴ്സിയും കൈയ്യിൽ കരുതിയിരുന്നു. ഈ കിരീടം നിങ്ങൾക്കുള്ളതാണെന്ന് കുറിച്ചുകൊണ്ടാണ് താരം ചിത്രം ട്വിറ്ററിൽ പങ്കുവെച്ചത്.
ജന്മനാടായ മലപ്പുറം ഒതുക്കലിങ്ങലിൽ നിന്ന് കളി കാണാൻ ഗോവയിലേക്ക് പുറപ്പെട്ട സൃഹൃത്തുക്കൾ മരിച്ച വാർത്ത ഫൈനലിന് മുൻപേ റഹീബിനെ തേടിയെത്തിയിരുന്നു. റഹീബിന്റെ പിതൃസഹോദര പുത്രൻ മുഹമ്മദ് ഷിബിലും അയൽവാസിയും സുഹൃത്തുമായ ജംഷീർ മുഹമ്മദുമാണ് അപകടത്തിൽ മരിച്ചത്.
It is for you both #my Shibi &jamsheer #mayallah reward you a home for you both in jannah 🤲🏻 https://t.co/Rck160oC2N
— Abdul Rabeeh (@RabeehRabi8) March 21, 2022
റഹീബ് നൽകിയ ടിക്കറ്റുമായാണ് ഏഴംഗ സംഘം ഗോവയിലേക്ക് തിരിച്ചത്. റഹീബിന്റെ ബൈക്കിലായിരുന്നു ഷിബിലിന്റേയും ജംഷീറിന്റേയും യാത്ര.ഞായറാഴ്ച പുലർച്ചെ മഴയായതിനാൽ ഇടയ്ക്കിടെ നിർത്തിയാണ് ഇവർ സഞ്ചരിച്ചത്. മഴപെയ്തപ്പോൾ ഷിബിലും ജംഷീറും ഉദുമ പാലക്കുന്നിൽ കടവരാന്തയിൽ കയറി നിന്നു. മഴ തോർന്ന് ഇറങ്ങിയ ഉടനെയായിരുന്ു അപകടം.
Comments