ചെന്നൈ: നടൻ വിജയ് കേന്ദ്ര കഥാപാത്രത്തിലെത്തുന്ന ബീസ്റ്റിനായി കാത്തിരിക്കുകയാണ് ആരാധകർ. ഏപ്രിൽ 13നാണ് ചിത്രം റിലീസ് ചെയ്യുന്നത്. ചിത്രത്തിലെ പുറത്തിറങ്ങിയ രണ്ട് പാട്ടും വലിയ രീതിയിൽ ശ്രദ്ധനേടിയിരുന്നു. എന്നാൽ ഇപ്പോഴിതാ വിജയ്ക്ക് എന്ത് സംഭവിച്ചു എന്ന് ചോദിക്കുകയാണ് ആരാധകർ. മറ്റൊന്നുമല്ല #ripjosephvijay എന്ന ഹാഷ്ടാഗാണ് ഇതിന് കാരണം. ട്വിറ്ററിൽ ട്രെൻഡിങ്ങിലാണ് ഈ ഹാഷ്ടാഗ്.
എന്തുകൊണ്ടാണ് #ripjosephvijay ട്രെൻഡിങ്ങിലായതെന്നാണ് പലരും ചോദിക്കുന്നത്. തമിഴിലെ ഏറ്റവും ജനപ്രിയരായ രണ്ട് താരങ്ങളാണ് വിജയും അജിത്തും. ഇരുവരുടേയും ആരാധകർ തമ്മിൽ വർഷങ്ങളായി മത്സരത്തിലുമാണ്. ഇതിന്റെ ഫലമായിരിക്കാം ഈ ഹ്ഷാടാഗെന്നാണ് നിരവധി പേർ പറയുന്നത്. 2019ലും ഇതുപോലെ ഹാഷ്ടാഗ് വൈറലായിട്ടുണ്ട്.
അജിത്ത് ചിത്രം വലിമൈയും, വിജയ് ചിത്രം ബീസ്റ്റും തമ്മിലുള്ള പോരാട്ടത്തിന്റെ തുടക്കമാണിതെന്നാണ് ചിലർ പറയുന്നത്. വിജയിയുടെ 65-ാമത്തെ ചിത്രമാണിത്. ബീസ്റ്റിന്റെ ഓവർസീസ് തിയെറ്റർ അവകാശം 32 കോടി രൂപയ്‌ക്ക് വിട്ടുപോയിട്ടുണ്ട്. അജിത്ത് ചിത്രം വലിമൈയും തീയേറ്ററിൽ മികച്ച രീതിയിൽ പ്രദർശനം തുടരുകയാണ്.
