മാലേ :അയൽരാജ്യങ്ങളുടെ എല്ലാ മികവും നിലനിർത്തുന്നതിൽ ഇന്ത്യ എന്നും പ്രതിജ്ഞാ ബദ്ധമാണെന്ന് തെളിയിക്കുകയാണ് ഡോ.എസ് ജയശങ്കറിന്റെ മാലിദ്വീപ് സന്ദർശനം. രണ്ടു ദിവസത്തെ സന്ദർശനത്തിന് എത്തിയ ജയശങ്കർ ഇന്ത്യ നിർമ്മിച്ച് നൽകിയ അഡ്ഡു ദ്വീപിലെ ദേശീയ പോലീസ് അക്കാദമി രാജ്യത്തിന് സമർപ്പിച്ചു. ജയശങ്കറിന്റെ യാത്രയോടനുബന്ധിച്ച് മാലി പ്രതിരോധ വകുപ്പിന് സമുദ്രസുരക്ഷാ റഡാറും സമ്മാനിച്ചു. പോലീസ് അക്കാദമിയുടെ ആകാശ ദൃശ്യവും എസ്.ജയശങ്കർ ട്വിറ്ററിലൂടെ പങ്കുവെച്ചു.
For those who want to see Indian project delivery abroad now, see the clip on the Maldives Police Academy inaugurated today. pic.twitter.com/tNKu5OPS5b
— Dr. S. Jaishankar (@DrSJaishankar) March 27, 2022
മാലിയിലെ പ്രധാന ദ്വീപുകളിലെ റോഡുകളുടെ വികസനവും നിർമ്മാണം പൂർത്തിയായ അഡ്ഡു ദ്വീപിൽ റോഡുകളുടെ സമർപ്പണവും തുടർ നിർമ്മാണ പ്രവർത്തനങ്ങളും എസ്.ജയശങ്കർ ഉദ്ഘാടനം ചെയ്തു. മാലിദ്വീപിലെ വിവിധ ചെറുദ്വീപുകളിലടക്കം അടിസ്ഥാന സൗകര്യവികസനത്തിലാണ് ഇന്ത്യ സഹായം നൽകിക്കൊണ്ടിരിക്കുന്നത്.
പ്രധാനമായും 7 പദ്ധതികളാണ് നടക്കുന്നത്. വടക്കൻ മാനാദൂ, ഗെനാനാഫുഷി ദ്വീപുകളിലെ സ്പോർട്സ് കോപ്ലകസുകൾ, ദിഗുരയിലെ യുവജനകേന്ദ്രങ്ങൾ, അഡ്ഡുവിലെ മാനസികാരോഗ്യ ചികിത്സാ കേന്ദ്രം, കുലുഹുദുഫുഷിയിലെ ബധിരമൂക ചികിത്സാ കേന്ദ്രം, എല്ലുരോഗ ചികിത്സാ കേന്ദ്രം, വിവിധ ദ്വീപുകളിലെ സാംസ്കാരിക-പുരാവസ്തു സംരക്ഷണ കേന്ദ്രങ്ങളെന്നിവയാണ് പുതിയ പദ്ധതികളായി ഇന്ത്യ നേരിട്ട് നിർമ്മിച്ച് നൽകുന്നത്.
Comments