മുംബൈ: ഐപിഎൽ ചരിത്രത്തിൽ 200 നു മുകളിലുള്ള വിജയലക്ഷ്യം ഏറ്റവും കൂടുതൽ തവണ മറികടക്കുന്ന ടീമായി പഞ്ചാബ് കിങ്സ്. ഇന്നലെ നടന്ന മത്സരത്തിൽ റോയൽ ചാസഞ്ചേഴ്സ് ബാംഗ്ലൂരിനെതിരെ 206 റൺസിന്റെ വിജയലക്ഷ്യം മറികടന്നതോടെയാണ് ചേസിങ് റെക്കോർഡ് പഞ്ചാബ് സ്വന്തം പേരിലാക്കിയത്.
ഐപിഎല്ലിൽ ഇത് നാലാം തവണയാണ് പഞ്ചാബ് കിങ്സ് 200 മുകളിലുള്ള വിജയലക്ഷ്യം മറികടക്കുന്നത്.ഇന്നലെ നടന്ന മത്സരത്തിന് മുൻപ് മൂന്നു തവണ വീതം 200+ വിജയലക്ഷ്യം മറികടന്ന് ചെന്നൈ സൂപ്പർ കിങ്സും പഞ്ചാബ് കിങ്സും ഒപ്പത്തിനൊപ്പമായിരുന്നു.
അതേസമയം കൊൽക്കത്ത നൈറ്റ് റൈഡേഴ്സും രാജസ്ഥാൻ റോയൽസും രണ്ടുതവണ വീതം 200 റൺസിനു മുകളിലുള്ള വിജയലക്ഷ്യം മറികടന്നിട്ടുണ്ട്.
ഇന്നലെ ആദ്യം ബാറ്റ് ചെയ്ത ബാംഗ്ലൂരിനെ ഒരോവർ ബാക്കി നിൽക്കെയാണ് പഞ്ചാബ് തോൽപ്പിച്ചത്. ബാംഗ്ലൂർ 20 ഓവറിൽ 205, പഞ്ചാബ് 19 ഓവറിൽ 208.ഒഡീനാണ് പ്ലെയർ ഓഫ് ദ മാച്ച്.
