സാധാരണയായി ദമ്പതികൾക്കിടയിൽ അന്യനായ മൂന്നാമതൊരാൾ കടന്നു വന്നാൽ അത് ഏറെ പ്രശ്നങ്ങൾക്കിടയാക്കും . എന്നാൽ ഭാര്യയും, ഭർത്താവും ഒരുമിച്ച് അങ്ങനെ ഒരാളെ സ്വീകരിച്ചാലോ . ഇംഗ്ലണ്ടിലെ ഒരു ദമ്പതികൾ ഇത്തരത്തിൽ തങ്ങളുടെ ബന്ധത്തിൽ മൂന്നാമതൊരാളെ കൊണ്ടുവന്നു . അതും ഒരു സ്ത്രീയെ.
ഇരുപത്തഞ്ചുകാരനായ ടോമും ഇരുപത്തിനാലുകാരിയായ ലെസ്ലി ഹിൽയാർഡുമാണ് ആ ദമ്പതികൾ. 2017 -ലാണ് അവർ വിവാഹിതരായത്. എന്നാൽ ഇപ്പോൾ മൂന്നാമതെത്തിയ യുവതിയെ വിവാഹം കഴിക്കാനുള്ള തീരുമാനത്തിലാണ് ദമ്പതികൾ .
സ്ത്രീകളെയും പുരുഷന്മാരെയും ഒരുപോലെ ഇഷ്ടപ്പെട്ടിരുന്ന ലെസ്ലിയാണ് ഈ ബന്ധത്തിൽ മൂന്നാമതൊരാളെയും കൂടി ഉൾപ്പെടുത്തിയാലോ എന്ന് ഭർത്താവിനോട് ചോദിച്ചത് . ഇതിനോടകം എല്ലാ കാര്യങ്ങളെക്കുറിച്ചും തുറന്ന് സംസാരിച്ചിരുന്ന ഭർത്താവിനും ഇതിൽ എതിർപ്പില്ലായിരുന്നു.
അങ്ങനെയാണ് ഡേറ്റിംഗ് ആപ്പായ ടൈമി വഴി ലെസ്ലി എമ്മ കംബർ എന്ന യുവതിയെ കണ്ടുമുട്ടി. എമ്മയ്ക്ക് 31 വയസ്സായിരുന്നു പ്രായം. എമ്മയും, ലെസ്ലിയും കാണാനും സംസാരിക്കാനും തുടങ്ങി, ഏകദേശം ഒരു മാസത്തിന് ശേഷം ലെസ്ലി എമ്മയെ ടോമിന് പരിചയപ്പെടുത്തി.
എമ്മയുടെ വ്യക്തിത്വം ടോമിനും ഇഷ്ടപ്പെട്ടു. അന്നുമുതൽ മൂവരും പരസ്പരം സ്നേഹത്തോടെ ഒരുമിച്ച് കഴിയുന്നു. വീട്ടുകാര്യങ്ങൾ മുതൽ ബില്ലുകൾ വരെ എല്ലാം അവർ ഒരുമിച്ചാണ് കൈകാര്യം ചെയ്യുന്നത്. തുടക്കത്തിൽ കുറച്ച് അസൂയയും, നീരസവും എല്ലാം ഉണ്ടായെങ്കിലും പതിയെ കാര്യങ്ങൾ സ്വന്തം വഴിയ്ക്ക് വന്നു . ഈസ്റ്റ് സസെക്സിലാണ് ഇവർ താമസിക്കുന്നത്.
Comments