മുംബൈ: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെ തകർത്തെറിഞ്ഞ് റോയൽ ചലഞ്ചേഴ്സ് ബാംഗ്ലൂർ. 19.2 ഓവറിൽ ഏഴ് വിക്കറ്റ് നഷ്ടത്തിൽ 132 റൺസെടുത്താണ് ബാംഗ്ലൂർ വിജയം കൈവരിച്ചത്. ഷെർഫെയ്ൻ റൂതർഫോർഡ്(28) ആണ് ടീമിന്റെ ടോപ് സ്കോറർ. നാല് പന്തുകൾ അവശേഷിക്കെ മൂന്ന് വിക്കറ്റിനായിരുന്നു റോയൽ ചലഞ്ചേഴ്സിന്റെ വിജയം.
129 റൺസ് വിജയലക്ഷ്യവുമായി കളിക്കളത്തിലിറങ്ങിയ റോയൽ ചലഞ്ചേഴ്സ് ബാംഗ്ലൂർ ആദ്യം ബാറ്റിംഗ് തകർച്ച നേരിട്ടെങ്കിലും, പിന്നീട് പൊരുതി ജയിക്കുകയായിരുന്നു. ദിനേശ് കാർത്തിക്(14), ഹർഷൽ പട്ടേൽ(10) എന്നിവരാണ് പുറത്താകാതെ നിന്നത്. ഫഫ് ഡുപ്ലെസി(5), അനുജ് റാവത്ത്(0), വിരാട് കോഹ്ലി(12), ഷെർഫെയ്ൻ റൂതർഫോർഡ്(28), ഷഹബാസ് അഹമ്മദ്(27), വനിന്ദു ഹസരംഗ(4), ഡേവിഡ് വില്ലി(18) എന്നിവരാണ് ബാംഗ്ലൂരിനായി പോരുതിയത്.
That's that from Match 6 of #TATAIPL.
A nail-biter and @RCBTweets win by 3 wickets.
Scorecard – https://t.co/BVieVfFKPu #RCBvKKR #TATAIPL pic.twitter.com/2PzouDTzsN
— IndianPremierLeague (@IPL) March 30, 2022
ഫാഫ് ഡൂപ്ലെസി, വിരാട് കോഹ്ലി, അനുജ് റാവത്ത്, ഡേവിഡ് വില്ലി എന്നിവരുടെ വിക്കറ്റാണ് ബാംഗ്ലൂരിന് പവർപ്ലേയിൽ നഷ്ടമായത്. ആദ്യ ഓവറിൽ തന്നെ ഓപ്പണർ അനുജ് റാവത്തിനെ(0) മടക്കി ഉമേഷ് യാദവ് ബാംഗ്ലൂരിനെ തളർത്തി. രണ്ടാം ഓവറിലെ അവസാന പന്തിൽ ആർസിബി നായകൻ ഫാഫ് ഡൂപ്ലെസിയെ(5) സൗത്തിയും മടക്കി അയച്ചു. തുടർന്ന് നല്ല ഫോമിൽ കളിയാരംഭിച്ച വിരാട് കോഹ്ലിയെ ഉമേഷ് പുറത്താക്കി. അതിന് ശേഷം ഡേവിഡ് വില്ലിയെ(18) നരെൻ മടക്കി അയച്ചു. ഷെർഫെയ്ൻ റൂതർഫോർഡ്, വനിന്ദു ഹസരംഗ എന്നിവരുടെ വിക്കറ്റും സൗത്തി നേടി. വരുണാണ് ഷഹബാസ് അഹമ്മദിനെ വീഴ്ത്തിയത്.
ടോസ് നഷ്ടപ്പെട്ട് ബാറ്റിംഗിനിറങ്ങിയ കൊൽക്കത്ത നൈറ്റ്റൈഡേഴ്സ്, 18.5 ഓവറിൽ 128 റൺസിനു ഓൾഔട്ടാവുകയായിരുന്നു. 25 റൺസെടുത്ത ആന്ദ്രെ റസ്സലാണ് ടീമിന്റെ ടോപ്സ്കോറർ. ഉമേഷ് യാദവ് (18), സാം ബില്ലിങ്സ് (14), ശ്രേയസ് അയ്യർ (13), സുനിൽ നരെയ്ൻ (12) എന്നിവരാണ് പത്ത് റൺസിന് മുകളിൽ കടന്ന മറ്റ് താരങ്ങൾ. ശ്രീലങ്കൻ സ്പിന്നർ ഹസരംഗയാണ് കൊൽക്കത്തയെ തകർത്തെറിഞ്ഞത്. നാലോവറിൽ 20 റൺസിനാണ് ഹസരംഗ നാലു പേരെ പുറത്താക്കിയത്. ആകാഷ് ദീപിന് മൂന്നും ഹർഷൽ പട്ടേലിനു രണ്ടും വിക്കറ്റ് ലഭിച്ചു.
Comments