ഗൂഗിൾ നോക്കി പഠിച്ച് ആരും അറിയാതെ വിമാനയാത്ര നടത്തിയ ബ്രസീലുകാരനായ ഇമ്മാനുവൽ മാർക്വസ് ഡി ഒലിവേരയെ ആരും മറന്നു കാണില്ല.2700 കിലോമീറ്റർ ആരെയും കണ്ണിൽ പെടാതെ യാത്ര ചെയ്ത ഇമ്മാനുവലിനെ എല്ലാവരേയും ആശ്ചര്യത്തോടെയാണ് നോക്കിയത്. ഇത്ര ചെറുപ്പത്തിൽ ഈ കുട്ടിക്ക് ഇത്ര ധൈര്യമോ എന്ന് ചിന്തിച്ചവരാകും അധികവും.
ഇപ്പോഴിതാ ഇമ്മാനുവലിനേക്കാൾ പ്രായം കുറഞ്ഞ ഒരു പെൺകുട്ടി ഒറ്റയ്ക്ക് വിമാനയാത്ര നടത്തി സമൂഹമാദ്ധ്യമങ്ങളിൽ ശ്രദ്ധ നേടുകയാണ്. ഇമ്മാനുവലിനെ പോലെ ആരെയും അറിയിക്കാതെ നെഞ്ചിൽ തീ കോരി ഇട്ടിട്ടില്ല. സ്വന്തം അമ്മയുടെ പൂർണ പിന്തുണയോടെയാണ് ഈ പെൺകുട്ടി വിമാന യാത്ര നടത്തിയത്. ആരാണീ പെൺകുട്ടി എന്നല്ലേ.
ഇന്ത്യക്കാരിയായ അനായ എന്ന ഏഴുവയസ്സുകാരി ഒറ്റയ്ക്ക് വിമാനത്തിൽ വഡോദരയിൽനിന്ന് മുംബൈയിലേക്ക് യാത്ര ചെയ്താണ് സമൂഹമാദ്ധ്യമങ്ങളിൽ വൈറലാവുന്നത്.
അനായയുടെ അമ്മ ഇഷ്ന ബത്ര സോഷ്യയിൽ മീഡിയയിൽ ചിത്രങ്ങളും വിവരങ്ങളും പങ്കുവെച്ച് കൊണ്ട് പോസ്റ്റിട്ടതോടെയാണ് സംഭവം പുറം ലോകം അറിഞ്ഞത്. കുട്ടിയേയും അവളെ പറഞ്ഞയയ്ക്കാൻ അമ്മ കാണിച്ച ധൈര്യത്തെയും പ്രശംസിക്കുകയാണ് ആശുകൾ.
നമുക്ക് ഏറ്റവും പ്രിയപെട്ടവരാണ് നമ്മുടെ കുഞ്ഞുങ്ങൾ. അതുകൊണ്ട് തന്നെ അവർ ചെയ്യുന്ന ഓരോ കാര്യങ്ങളും നമുക്ക് വളരെയേറെ പ്രിയപ്പെട്ടതാണ്. അവർ ആദ്യമായി ചെയ്യുന്ന എല്ലാ കാര്യങ്ങളും നമുക്ക് വളരെയധികം സന്തോഷം നൽകും.എന്ന് തുടങ്ങുന്ന കുറിപ്പിൽ കുട്ടിയുടെ യാത്രയെക്കുറിച്ച് പറയുന്നതിനൊപ്പം വിമാനയാത്രയുടെ നടപടിക്രമങ്ങളെക്കുറിച്ചും ഇഷ്ന വിശദീകരിക്കുന്നുണ്ട്.
കുട്ടികളെ കൂടുതൽ സ്വതന്ത്രരാക്കുക എന്നും കൂടുതൽ കാര്യങ്ങൾ ചെയ്യാൻ അവരെ എന്നതും രക്ഷിതാക്കളുടെ കടമയാണ് എന്നും ഇഷ്ന ഓർമിപ്പിക്കുന്നു. മുത്തശ്ശിയെ കണ്ട് സുരക്ഷിതമായി തിരികെവന്നു എന്ന അടിക്കുറിപ്പോടെയാണ് ഇഷ്ന ബത്ര ഈ ചിത്രങ്ങൾ ഇൻസ്റ്റഗ്രാമിൽ പങ്കുവെച്ചത്.
ഇൻഡിഗോ വിമാനത്തിലാണ് ഏഴു വയസ്സുകാരി അനായ തനിയെ യാത്ര ചെയ്തത്. ഇതുവരെ 49 ലക്ഷത്തിലധികം ആളുകളാണ് വീഡിയോ കണ്ടത്. പെൺകുട്ടി വിമാനത്തിൽ കയറുന്നതും പിന്നീട് അമ്മ വിമാനത്താവളത്തിലെത്തി കൂട്ടിക്കൊണ്ടുപോകുന്നതും വിഡിയോയിൽ കാണാം.
