തിരുവനന്തപുരം: മുഖ്യമന്ത്രിയുടെ പോലീസ് മെഡലുകൾ ഇനി ഐപിഎസ് ഉദ്യോഗസ്ഥർക്കും നൽകും. ഇതിനായി മെഡലുകളുടെ എണ്ണം 300 ആക്കി ഉയർത്തിയിട്ടുണ്ട്. ഐപിഎസ് ഇല്ലാത്ത എസ്പിമാർക്ക് വരെയാണ് ഇതുവരെ മെഡലുകൾ നൽകിയിരുന്നത്. വിശിഷ്ടസേവനത്തിനും ധീരതയ്ക്കുമാണ് ഉദ്യോഗസ്ഥർക്ക് മെഡൽ നൽകി വരുന്നത്.
സംസ്ഥാന പോലീസ് മേധാവിയുടെ അപേക്ഷ പരിഗണിച്ചാണ് പുതിയ നടപടി. ഇതുവരെ 285 പേർക്കാണ് മെഡലുകൾ നൽകി വന്നിരുന്നത്. ഇതാണ് 300ലേക്ക് ഉയർത്തിയത്. സ്പെഷ്യൽ ഓപ്പറേഷൻ ഗ്രൂപ്പിലെ ഉദ്യോഗസ്ഥർക്കും മെഡലുകൾ ഉണ്ടാകും.
അതേസമയം വനിതാ പോലീസുകാർക്ക് നിലവിലെ മാനദണ്ഡങ്ങളിൽ ഇളവ് ഉണ്ടാകും. ഏഴ് വർഷത്തെ സർവീസ് ഉള്ള വനിതകൾക്ക് മെഡലിന് യോഗ്യത ഉണ്ടാകും. അർഹരായവരെ മേലുദ്യോഗസ്ഥർക്ക് നാമനിർദ്ദേശം നൽകാം.
