കരിപ്പൂർ: കരിപ്പൂർ വിമാനത്താവളം വഴിയുള്ള സ്വർണക്കടത്ത് തുടരുന്നു. ശരീരത്തിന്റെ വിവിധഭാഗങ്ങളിൽ ഒളിപ്പിച്ച നിലയിലാണ് സ്വർണക്കടത്ത്. അനധികൃതമായി കടത്തുന്ന സ്വർണം കസ്റ്റംസ് പിടികൂടിയത് കസ്റ്റംസ് പരിശോധനപൂർത്തിയാക്കി ടെർമിനലിനു പുറത്തിറങ്ങിയവരുടെ ദേഹത്തു നിന്ന്.
ഷാർജയിൽ നിന്നെത്തിയ രണ്ട് യാത്രക്കാരിൽ നിന്നായി ഒരുകോടിയോളം രൂപയുടെ സ്വർണമാണ് കസ്റ്റംസ് പിടികൂടിയത്. രണ്ട് കാരിയർമാർ ഉൾപ്പെടെ സ്വർണക്കടത്തിൽ ഉൾപ്പെട്ട ആറുപേരെയും സ്വർണം കടത്താൻ കൊണ്ടുവന്ന കാറും കസ്റ്റംസ് പിടികൂടി.
ഷാർജയിൽ നിന്നെത്തിയ മണ്ണാർക്കാട് സ്വദേശി വിഷ്ണുദാസ്, ബഹ്‌റെയിനിൽ നിന്നെത്തിയ വടകര സ്വദേശി ഷിജിത്ത് എന്നിവരും കൂട്ടിക്കൊണ്ടുപോകാനെത്തിയ ഷബീൻ, ഷബീൽ, ലത്തീഫ്, സലീം എന്നിവരാണ് പിടിയിലായത്. സ്വർണ്ണഉരുളകളായി ശരീരത്തിലെ രഹസ്യ ഭാഗത്ത് ഒളിപ്പിച്ചാണ് സ്വർണം കടത്തിയത്
