കശ്മീർ ഫയൽസിന് ശേഷം ‘ദ ഡൽഹി ഫയൽസു’മായി വിവേക് അഗ്‌നിഹോത്രി; അടുത്ത ചിത്രം ഉടനെന്ന് സംവിധായകൻ

ന്യൂഡൽഹി: കശ്മീർ ഫയൽസ് എന്ന ചിത്രത്തിന് ശേഷം തന്റെ അടുത്ത ചിത്രം പ്രഖ്യാപിച്ചിരിക്കുകയാണ് സംവിധായകൻ വിവേക് അഗ്നിഹോത്രി. ബോക്‌സ് ഓഫീസിൽ വൻ ഹിറ്റായി മാറിയ കശ്മീർ ഫയൽസിന് ശേഷം ‘ഡൽഹി ഫയൽസ്’ ചിത്രീകരിക്കാൻ പോവകുകയാണെന്ന് വിവേക് അഗ്നിഹോത്രി പ്രഖ്യാപിച്ചു. ഇൻസ്റ്റഗ്രാമിലൂടെയാണ് അദ്ദേഹം ഇക്കാര്യം വെളിപ്പെടുത്തിയത്.

കശ്മീർ ഫയൽസ് എന്ന ചിത്രം ഏറ്റെടുത്ത എല്ലാവർക്കും ഹൃദയം നിറഞ്ഞ നന്ദി. കഴിഞ്ഞ നാല് വർഷമായി അങ്ങേയറ്റം സത്യസന്ധതയോടെയും ആത്മാർത്ഥതയോടെയും കഠിനാധ്വാനം ചെയ്താണ് കശ്മീർ ഫയൽസ് എന്ന ചിത്രം പൂർത്തീകരിച്ചത്. കശ്മീരി ഹിന്ദുക്കളോട് ചെയ്ത അനീതിയെക്കുറിച്ചും അവർ നേരിട്ട വംശഹത്യയെക്കുറിച്ചും നിങ്ങളെ അറിയിക്കുക എന്നത് വളരെ പ്രധാനപ്പെട്ടതായിരുന്നു. ഇനി പുതിയ ചിത്രത്തിന്റെ പണിപ്പുരയിലേക്കുള്ള തയ്യാറെടുപ്പിലാണെന്ന് വിവേക് അഗ്നിഹോത്രി ഇൻസ്റ്റഗ്രാമിൽ കുറിച്ചു.

I thank all the people who owned #TheKashmirFiles. For last 4 yrs we worked very hard with utmost honesty & sincerity. I may have spammed your TL but it’s important to make people aware of the GENOCIDE & injustice done to Kashmiri Hindus.

It’s time for me to work on a new film. pic.twitter.com/ruSdnzRRmP

— Vivek Ranjan Agnihotri (@vivekagnihotri) April 15, 2022

അതേസമയം ചിത്രത്തിന്റെ പ്രമേയമെന്തെന്ന് അദ്ദേഹം വ്യക്തമാക്കിയില്ല. അടുത്ത പോസ്റ്റുകളിൽ ഡൽഹി ഫയൽസ് സംബന്ധിച്ച കൂടുതൽ വിശദാശംങ്ങൾ നൽകുമെന്നാണ് ആരാധകരുടെ പ്രതീക്ഷ.

മാർച്ച് 11നായിരുന്നു ബോളിവുഡിൽ ചരിത്രം സൃഷ്ടിച്ചുകൊണ്ട് കശ്മീർ ഫയൽസ് എന്ന ചിത്രം റിലീസ് ചെയ്തത്. ഒട്ടനവധി പ്രതിബന്ധങ്ങളെ തരണം ചെയ്തായിരുന്നു ചിത്രം പുറത്തിറങ്ങിയത്. വളരെ ചെറിയ ബജറ്റിൽ പൂർത്തിയാക്കിയ ചിത്രം പ്രേക്ഷകർ ഏറ്റെടുത്തതോടെ ബോക്‌സ് ഓഫീസിൽ 330 കോടിയിലധികം രൂപയാണ് നേടാനായത്. നിരവധി പ്രമുഖരും സംസ്ഥാന സർക്കാരുകളും ചിത്രത്തിന് പിന്തുണയേകി രംഗത്തെത്തിയിരുന്നു.

കശ്മീർ ഫയൽസിന് മുമ്പ് വിവേക് അഗ്നിഹോത്രി തയ്യറായിക്കിയ മറ്റുചിത്രങ്ങളാണ് ദ ടാഷ്‌കൻറ് ഫയൽസ്, ചോക്ക്‌ലേറ്റ്, ഹെയ്റ്റ് സ്‌റ്റോറി, സിദ്ദ് എന്നിവ.