ചണ്ഡീഗണ്ഡ്: പഞ്ചാബ് മുഖ്യമന്ത്രി ഭഗവന്ത് മൻ മദ്യപിച്ച് ഗുരുദ്വാരയിൽ പ്രവേശിച്ചതായി ആരോപണം. മദ്യപിച്ച് ഗുരുദ്വാരയിൽ പ്രവേശിച്ചുവെന്ന് ആരോപിച്ച് ഭഗവന്ത് മന്നിനെതിരെ ബിജെപി നേതാവ് തജീന്ദർ സിംഗ് ബഗ്ഗ പരാതി നൽകി. പഞ്ചാബ് മുഖ്യമന്ത്രിയ്‌ക്കെതിരെ നടപടി സ്വീകരിക്കണമെന്ന് അദ്ദേഹം പരാതിയിൽ ആവശ്യപ്പെട്ടു.
പഞ്ചാബ് ഡിജിപിയ്‌ക്കാണ് പരാതി നൽകിയിരിക്കുന്നത്. ഓൺലൈനായി നൽകിയ പരാതിയുടെ സ്‌ക്രീൻ ഷോട്ട് തജീന്ദർ പാൽ ട്വിറ്ററിൽ പങ്കുവെച്ചിട്ടുണ്ട്. ബൈശാഖി ആഘോഷവേളയിൽ ദംദമാ സാഹിബ് ഗുരുദ്വാരയിൽ ഭഗവന്ത് മൻ മദ്യപിച്ച് പ്രവേശിച്ചതായായാണ് ആരോപണം.
ശിരോമണി ഗുരുദ്വാര പർബന്ധക് കമ്മിറ്റി (എസ്ജിപിസി) വെള്ളിയാഴ്ചയാണ് ആരോപണവുമായി എത്തിയത്. സംഭവത്തിൽ ഭഗവന്ത് മൻ മാപ്പ് പറയണമെന്നും എസ്ജിപിസി ആവശ്യപ്പെട്ടിരുന്നു. പിന്നാലെയാണ് മുഖ്യമന്ത്രിയ്‌ക്കെതിരെ ബിജെപി പരാതി നൽകിയത്.
Filed Police complaint against Punjab CM @BhagwantMann for Entering Gurudwara Damdama Sahib in Drunk Condition. I request @DGPPunjabPolice @PunjabPoliceInd to take action on my complaint pic.twitter.com/3bde4i32zI
— Tajinder Bagga (@TajinderBagga) April 16, 2022
