ലക്നൗ : അയൽ രാജ്യങ്ങളിലെ ന്യൂനപക്ഷങ്ങളെ കൈവിടാതെ യോഗി സർക്കാർ. ബംഗ്ലാദേശ് പാകിസ്താൻ എന്നീ രാജ്യങ്ങളിൽ നിന്നും ഇന്ത്യയിലെത്തിയ 63 ഹിന്ദു കുടുംബങ്ങൾക്കാണ് യോഗി ആദിത്യനാഥ് സ്ഥലം നൽകിയത്. അയൽ രാജ്യങ്ങളിൽ കഷ്ടപ്പെടുന്ന ന്യൂനപക്ഷങ്ങളെ ഇന്ത്യയിലെത്തിച്ച് സംരക്ഷിക്കുമെന്ന് കേന്ദ്ര സർക്കാർ നൽകിയ ഉറപ്പ് പാലിക്കുകയാണ് യോഗി ആദിത്യനാഥ്.
63 കുടുംബങ്ങൾക്ക് വീട് നിർമ്മിക്കാനും കൃഷി ചെയ്യാനും സ്ഥലം അനുവദിച്ച് നൽകി. ഇതിന്റെ പ്രമാണങ്ങൾ യോഗി ആദിത്യനാഥ് തന്നെയാണ് നേരിട്ട് കൈമാറിയത്. മുഖ്യമന്ത്രി ആവാസ് യോജനയുടെ കീഴിൽ വീട് നിർമ്മിച്ച് നൽകാമെന്നും യോഗി ആദിത്യനാഥ് ഉറപ്പ് നൽകി. ലക്നൗവിൽ നടന്ന ചടങ്ങിലാണ് കുടുംബങ്ങൾക്ക് പ്രമാണ രേഖകൾ കൈമാറിയത്.
Uttar Pradesh | Chief minister Yogi Adityanath distributes agricultural & residential land with their official papers along with letters for houses under 'Mukhayamantri Awaas Yojana' to rehabilitate 63 refugees families from Bangladesh in Lucknow pic.twitter.com/kO8jpFaGpo
— ANI UP/Uttarakhand (@ANINewsUP) April 19, 2022
ബംഗ്ലാദേശ് പാകിസ്താൻ എന്നീ രാജ്യങ്ങളിൽ നിന്നും കുടിയിറക്കപ്പെടുന്ന കുടുംബങ്ങൾക്ക് യുപി സർക്കാർ സംരക്ഷണം നൽകുമെന്ന് യോഗി ആദിത്യനാഥ് വാഗ്ദാനം ചെയ്തിരുന്നു. കൈയ്യേറ്റക്കാരിൽ നിന്നും തിരിച്ച് പിടിച്ച സ്ഥലമാണ് ഇവർക്ക് നൽകുന്നത്. അയൽ രാജ്യങ്ങളിൽ നിന്നെത്തുന്നവർക്കായി ഇത്തരം സ്ഥലങ്ങളിൽ സ്കൂളുകളും വ്യാവസായിക കേന്ദ്രങ്ങളും നിർമ്മിക്കുമെന്നും യോഗി ആദിത്യനാഥ് പറഞ്ഞു.
Comments