ന്യൂഡൽഹി: ബോക്സ് ഓഫീസിൽ പുതു ചരിത്രം സൃഷ്ടിച്ച സിനിമയാണ് അനുപം ഖേർ നായകനായ ‘ദ കശ്മീർ ഫയൽസ്’. ലോകമെമ്പാടുമുള്ള സിനിമാസ്വാദകരുടെ ഹൃദയം ചിത്രം കീഴടക്കിയിരുന്നു. ഒരു മാസത്തിലേറയായി തീയേറ്ററുകളിൽ വിജയക്കൊടി പാറിച്ച് പ്രദർശനം തുടരുന്ന ചിത്രം, ഏപ്രിൽ 28ന് ഹീബ്രു സബ്ടൈറ്റിലുകളോടെ ഇസ്രയേലിലും പ്രദർശിപ്പിക്കാൻ ഒരുങ്ങുകയാണ്.
മിഡ്-വെസ്റ്റ് ഇന്ത്യയിലേയ്ക്കുള്ള ഇസ്രായേൽ കോൺസൽ ജനറൽ കോബി ശോഷാനിയും, ചിത്രത്തിന്റെ സംവിധായകൻ വിവേക് അഗ്നിഹോത്രിയും ചേർന്ന് ഇസ്രയേൽ പ്രേക്ഷകർക്കായുള്ള സിനിമയുടെ പോസ്റ്റർ പ്രകാശനം ചെയ്തു. പോസ്റ്റർ പ്രകാശനത്തിന്റെ ദൃശ്യങ്ങൾ വിവേക് അഗ്നിഹോത്രി സമൂഹമാദ്ധ്യമങ്ങളിൽ പങ്കുവെച്ചു.
‘ഇത് അംഗീകാരത്തിന്റെ നിമിഷമാണ്. ഇസ്രയേലിൽ ഇതാദ്യമായാണ് ഇത്തരത്തിലുള്ള ഒരു സിനിമ റിലീസ് ചെയ്യുന്നത്. ഭീകരതയോട് പോരാടി, മാനുഷിക മൂല്യങ്ങൾ പ്രോത്സാഹിപ്പിക്കുന്ന എന്ന ലക്ഷ്യത്തോടെ ഇന്ത്യയും ഇസ്രയേലും ഒന്നിച്ച് മുന്നോട്ട് പോകുമെന്ന് ഞാൻ പ്രതീക്ഷിക്കുന്നു’ വിവേക് അഗ്നിഹോത്രി ട്വിറ്ററിൽ കുറിച്ചു. ഒരു ഹിന്ദി ചിത്രത്തിന് ഇസ്രയേലിൽ ഡിമാൻഡ് ഉണ്ടാകുന്നത് ഇതാദ്യമായാണ്. ഇത് ഇന്ത്യൻ സിനിമയ്ക്ക് തന്നെ അഭിമാനമാണെന്നും അദ്ദേഹം കൂട്ടിച്ചേർത്തു.
BRILLIANT NEWS:
On huge demand, #TheKashmirFiles is releasing in ISRAEL on 28th April. I thank Consul General @KobbiShoshani for coming to our studio to inaugurate the poster of TKF. It’s is a major step in sharing our coming goal of fighting terrorism and promoting humanity. pic.twitter.com/ZkDOexhIXp— Vivek Ranjan Agnihotri (@vivekagnihotri) April 20, 2022
I am told that this such a huge demand for a Hindi film is the FIRST TIME EVER in Israel for an Indian film. The film is subtitled in HEBREW. #TheKashmirFiles pic.twitter.com/iMlP4PAPrH
— Vivek Ranjan Agnihotri (@vivekagnihotri) April 20, 2022
അതേസമയം, ഇന്ത്യയുടെ പല കോണിലും കശ്മീർ ഫയൽസ് എന്ന ചിത്രം ഇസ്ലാമോഫോബിക് ആണെന്ന് പറഞ്ഞപ്പോഴും, ഇസ്ലാമിക രാജ്യങ്ങളിലൊന്നായ യുഎഇയിൽ ചിത്രം റിലീസ് ചെയ്തിരുന്നു. ഏപ്രിൽ 7നായിരുന്നു ചിത്രം യുഎഇയിൽ റിലീസ് ചെയ്തത്. 1990ലെ കശ്മീരി പണ്ഡിറ്റുകളുടെ പലായനത്തിന്റെ കഥ പറയുന്ന കശ്മീർ ഫയൽസ് നിരവധി പ്രതിബന്ധങ്ങൾക്കൊടുവിലാണ് ഇന്ത്യയിൽ പ്രദർശനത്തിനെത്തിയത്. മിഥുൻ ചക്രവർത്തി, അനുപം ഖേർ, ദർശൻ കുമാർ, പല്ലവി ജോഷി, ചിന്മയ് മണ്ഡ്ലേക്കർ എന്നിവരാണ് ചിത്രത്തിലെ അഭിനേതാക്കൾ. മാർച്ച് 11നായിരുന്നു ചിത്രം ഇന്ത്യയിൽ റിലീസ് ചെയ്തത്.
Comments