കൊൽക്കത്ത: പശ്ചിമ ബംഗാളിൽ 10,000 കോടി രൂപ നിക്ഷേപിക്കാൻ അദാനി ഗ്രൂപ്പ് പ്രതിജ്ഞാബദ്ധമാണെ്ന്ന് മേധാവി ഗൗതം അദാനി പ്രഖ്യാപിച്ചു. അടുത്ത ദശകത്തിൽ പശ്ചിമ ബംഗാളിൽ 10,000 കോടി രൂപ നിക്ഷേപിക്കാൻ തയ്യാറാണെന്ന് അദാനി ഗ്രൂപ്പ് പ്രഖ്യാപിച്ചു. ബംഗാൾ ഗ്ലോബൽ ബിസിനസ് സമ്മിറ്റ് 2022 (ബിജിബിഎസ്) ഉദ്ഘാടന സെഷനിലാണ് അദാനി ഇക്കാര്യം വ്യക്തമാക്കിയത്.
സംസ്ഥാനത്ത് തങ്ങളുടെ ബിസിനസ് വിപുലീകരിക്കുന്നതിനായി അദാനി ഗ്രൂപ്പ് തുറമുഖം, ഡാറ്റാ സെന്റർ, അണ്ടർ സീ കേബിൾ, സെന്റർ ഓഫ് എക്സലൻസ്, വെയർഹൗസിംഗ്, ലോജിസ്റ്റിക് പാർക്കുകൾ എന്നിവയിൽ നിക്ഷേപിക്കുമെന്ന് അദാനി പറഞ്ഞു. ഗ്രൂപ്പ് കമ്പനിയായ അദാനി വിൽമറിന് ഹാൽദിയയിൽ നിലവിൽ ഭക്ഷ്യ എണ്ണ പ്ലാന്റ് ഉണ്ട്.
”ബംഗാളിലെ ജനങ്ങളുടെ പ്രതീക്ഷയ്ക്കൊത്ത് ഉയരുമെന്ന എന്റെ വാഗ്ദാനം ഞാൻ സമർപ്പിക്കുകയാണ്,” ബിജിബിഎസിന്റെ ആറാം പതിപ്പിൽ പങ്കെടുത്ത അദാനി പറഞ്ഞു. ബിജിബിഎസിൽ ഗൗതം അദാനിയുടെ ആദ്യ വരവാണിത്. പ്രത്യക്ഷമായും പരോക്ഷമായും 25,000 തൊഴിലവസരങ്ങൾ സൃഷ്ടിക്കാൻ ഈ നിക്ഷേപം സഹായിക്കുമെന്ന് അദ്ദേഹം വ്യക്തമാക്കി.
Comments