ഭോപ്പാൽ : രാജ്യത്ത് ഏകീകൃത സിവിൽ കോഡ് നടപ്പാക്കുമെന്ന സൂചന നൽകി കേന്ദ്ര ആഭ്യന്തര മന്ത്രി അമിത് ഷാ . ഭോപ്പാൽ സന്ദർശനത്തിനിടെ പാർട്ടി ഓഫീസിൽ നടത്തിയ കോർ കമ്മിറ്റി യോഗത്തിലാണ് ഏകീകൃത സിവിൽ കോഡിനെ കുറിച്ച് അദ്ദേഹം പരാമർശിച്ചത് . പൗരത്വ നിയമം, രാമക്ഷേത്രം, ആർട്ടിക്കിൾ 370, മുത്വലാഖ് തുടങ്ങിയ വിഷയങ്ങളിൽ സർക്കാർ തീരുമാനങ്ങൾ നടപ്പായതായും, ഇനി ഏകീകൃത സിവിൽ കോഡിന്റെ ഊഴമാണെന്നും അമിത് ഷാ പറഞ്ഞു.
പൈലറ്റ് പ്രോജക്ടായി ഉത്തരാഖണ്ഡിൽ ഏകീകൃത സിവിൽ കോഡ് നടപ്പാക്കാൻ ആലോചനയുണ്ട്. ഇതിന്റെ കരട് രേഖകൾ തയ്യാറാക്കിക്കൊണ്ടിരിക്കുകയാണെന്നും അദ്ദേഹം പറഞ്ഞു . അടുത്ത തിരഞ്ഞെടുപ്പിന് മുമ്പ് രാഹുൽ ഗാന്ധി കോൺഗ്രസ് അദ്ധ്യക്ഷനായേക്കും , എന്നാൽ അതിൽ ആശങ്കപ്പെടേണ്ടതില്ല. കോൺഗ്രസ് ഇനിയും കൂടുതൽ താഴേക്കാകും പോകുക. കോൺഗ്രസ് പാർട്ടി ഒരു വെല്ലുവിളിയല്ലെന്നും അമിത് ഷാ പറഞ്ഞു .
മുഖ്യമന്ത്രി ശിവരാജ് സിംഗ് ചൗഹാൻ, സംസ്ഥാന ബിജെപി അധ്യക്ഷൻ വി ഡി ശർമ്മ എന്നിവരടക്കമുള്ളവരുമായും അദ്ദേഹം ചർച്ച നടത്തി.
Comments