അമരാവതി: തിരുപ്പതി ക്ഷേത്രത്തിൽ സിനിമാഗാനം മുഴക്കിയ സംഭവത്തിൽ ക്ഷേത്ര ജീവനക്കാരനെതിരെ കർശന നടപടി. ഗ്രേഡ്-1 അസിസ്റ്റന്റ് ടെക്‌നീഷ്യൻ പി. രവികുമാറിനെ ജോലിയിൽ നിന്ന് സസ്‌പെൻഡ് ചെയ്തു.
തിരുമല തിരുപ്പതി ദേവസ്ഥാനമാണ് (ടിടിഡി) ജീവനക്കാരനെതിരെ നടപടിയെടുത്തത്. ക്ഷേത്രത്തിൽ സ്ഥാപിച്ചിട്ടുള്ള അഞ്ച് എൽഇഡി സ്‌ക്രീനുകളിലൂടെ സിനിമാഗാനം പ്രക്ഷേപണം ചെയ്തുവെന്ന് ചൂണ്ടിക്കാട്ടിയാണ് നടപടി. ടിടിഡിയുടെ റേഡിയോ ആൻഡ് ബ്രോഡ്കാസ്റ്റിംഗ് സെക്ഷൻ അസിസ്റ്റന്റ് എഞ്ചിനീയർ എ.വി.വി കൃഷ്ണ പ്രസാദിനോട് കാരണം കാണിക്കൽ നോട്ടീസ് നൽകണമെന്നും ആവശ്യപ്പെട്ടിട്ടുണ്ട്.
കർശനമായ നിയന്ത്രണങ്ങളും നിയമങ്ങളും പാലിക്കപ്പെടുന്ന തിരുപ്പതി ക്ഷേത്രത്തിൽ, ചലച്ചിത്ര ഗാനങ്ങൾ പ്രക്ഷേപണം ചെയ്തത് വലിയ ചർച്ചാ വിഷയമായിരുന്നു. ഇതിന് പിന്നാലെയാണ് ടിടിഡി നടപടിക്ക് ഉത്തരവിട്ടത്. സംഭവവുമായി ബന്ധപ്പെട്ട് വിജിലൻസ് അധികൃതർ അന്വേഷണം നടത്തിയിരുന്നു. കൺട്രോൾ റൂമിലെ സിസിടിവി ദൃശ്യങ്ങൾ പരിശോധിച്ചതിന് പിന്നാലെയാണ് സിനിമാഗാനം പ്രക്ഷേപണം ചെയ്തത് അസിസ്റ്റന്റ് ടെക്‌നീഷ്യൻ പി. രവികുമാറാണെന്ന് കണ്ടെത്തിയത്.
Comments