കൊച്ചി : കാക്കനാട് വീണ്ടും മയക്കുമരുന്ന് വേട്ട. ഫ്ളാറ്റിൽ നടത്തിയ പരിശോധനയിൽ 82 കുപ്പി ഹാഷിഷ് ഓയിലും 11 ഗ്രാം എംഡിഎംഎയും കണ്ടെടുത്തു. യുവതി ഉൾപ്പെടെയുള്ള എട്ടംഗ സംഘത്തെ പോലീസ് അറസ്റ്റ് ചെയ്തു.
വഴുതക്കാട് അമൃതഗർഭ വീട്ടിൽ ശങ്കരനാരായണൻ (23), ആലപ്പുഴ വള്ളികുന്നം കൊല്ലക വീട്ടിൽ മുഹമ്മദ് സിറാജ് (21), കല്ലമ്പലം ഇർഫാൻ മൻസിലിൽ റിസ്വാൻ(23), ആലപ്പുഴ ചേർത്തല വടക്കേകന്നത് വീട്ടിൽ ജിഷ്ണു (22), തേക്കുമുറി പുളിയന്നൂർ ഏഴപ്പറമ്പിൽ വീട്ടിൽ അനന്തു (27), ഹരിപ്പാട് ചിങ്ങോട് മൂടോളിൽ കിഴക്കേതിൽ വീട്ടിൽ അഖിൽ (24), ചാവക്കാട് പിള്ളക്കാട് പുതുവടതയിൽ വീട്ടിൽ അൻസാരി (23), കോട്ടയം വില്ലൂന്നി തിരുത്താക്കിരി പുത്തൻപുരയ്ക്കൽ വീട്ടിൽ കാർത്തിക (26) എന്നിവരാണ് പിടിയിലായത്.
കാക്കനാട്ടെ ഫ്ലാറ്റിൽ ലഹരിമരുന്ന് ഉപയോഗിക്കുന്നുണ്ടെന്ന രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നാർക്കോട്ടിക് സെൽ അസി. കമ്മീഷണർ കെ.എ. അബ്ദുൾ സലാമിന്റെ നേതൃത്വത്തിൽ ഷാഡോ പോലീസുമായി നടത്തിയ പരിശോധനയിലാണ് പ്രതികൾ പിടിയിലായത്. ഈ മയക്കുമരുന്ന് കൊറിയർ വഴി കേരളത്തിൽ എത്തിച്ചതാണോ എന്നും പോലീസ് സംശയിക്കുന്നു.
