പഠനാവശ്യങ്ങൾക്കും ജോലിയ്ക്കുമൊക്കെയായി സ്വദേശത്ത് നിന്നും മറ്റുസ്ഥലങ്ങളിലെത്തുന്നുവർക്ക് താമസിക്കാൻ ഒരിടം ലഭിക്കാൻ കുറച്ച് ബുദ്ധിമുട്ട് നേരിടാറുണ്ട്. ഗ്രാമങ്ങളെ അപേക്ഷിച്ച് വൻ നഗരങ്ങളിൽ വലിയ ബുദ്ധിമുട്ട് നേരിടേണ്ടി വരാറില്ലെന്നാണ് പറയപ്പെടുന്നത്.
എന്നാൽ വൻ നഗരമായ ബെംഗളൂരുവിലും ഒരു താമസ സൗകര്യം ലഭിക്കാൻ ഒത്തിരി വിയർക്കേണ്ടി വരുമെന്നാണ് അസ്ത എന്്ന പെൺകുട്ടി ചൂണ്ടിക്കാട്ടുന്നത്. റൂമെടുക്കാൻ വരുന്ന പെൺകുട്ടികൾ വീട്ടുടമസ്ഥരിൽ നിന്ന് നേരിടുന്ന ചോദ്യങ്ങൾ ട്വിറ്ററിലൂടെ പങ്കുവെച്ചിരിക്കുകയാണ് അസ്ത.
Apartment hunting in Bengaluru seems to be a cultural interview round these days@peakbengaluru pic.twitter.com/LTa9MJfvv3
— Astha (@AsthaPasta16) April 25, 2022
തീർത്തും സ്വകാര്യമായ കാര്യങ്ങൾ വരെ വിശദീകരിച്ചുവേണം വീട്ടുടമസ്ഥരെ തൃപ്തിപ്പെടുത്താനെന്ന് അസ്ത പറയുന്നു.കഴിക്കാൻ ആഗ്രഹിക്കുന്ന ഭക്ഷണത്തിൽ തുടങ്ങി വീട്ടിൽ നിന്ന് മുൻപ് മാറി നിന്നിട്ടുണ്ടോയെന്നും, അവധി ദിവസങ്ങൾ എങ്ങനെ ചിലവഴിക്കുമെന്നുമൊക്കെ ചോദ്യാവലിയിലുണ്ട്. നിങ്ങൾ എവിടെ നിന്ന് വന്നു?, എവിടെയാണ് ജോലി ചെയ്യുന്നത്?, സ്പൈഡർമാൻ, ബാറ്റ്മാൻ, അയൺമാൻ, ക്യാപ്റ്റൻ അമേരിക്ക, ബ്ളാക്ക് വിഡോ എന്നിവരിൽ ആരോടാണ് നിങ്ങൾക്ക് താല്പര്യം, നിങ്ങൾ ഫോബാണോ,മോണിക്കയാണോ, റേച്ചലാണോ എന്നിങ്ങനെയാണ് മറ്റ് ചോദ്യങ്ങൾ. ബെംഗളൂരിലെ മുറിയന്വേഷണം വലിയൊരു ഇന്റർവ്യൂ ആണെന്ന തലക്കെട്ടോടെയാണ് അസ്ത ഇത് പങ്കുവെച്ചത്. ഇതിനെ അനുകൂലിച്ചും, പ്രതികൂലിച്ചും നിരവധി കമന്റുകളും വരുന്നുണ്ട്.
