ന്യൂഡൽഹി :കോൺഗ്രസ് നേതാവ് രാഹുൽ ഗാന്ധി നൈറ്റ് ക്ലബ്ബ് പാർട്ടിയിൽ പങ്കെടുക്കുന്ന ദൃശ്യങ്ങൾ സോഷ്യൽ മീഡിയയിൽ വൈറൽ. നേപ്പാളിലെ നൈറ്റ് ക്ലബ്ബിൽ രാഹുൽ ഗാന്ധി പങ്കെടുക്കുന്ന ദൃശ്യങ്ങളാണ് പുറത്തുവന്നിരിക്കുന്നത്. രാഹുലിന്റെ സുഹൃത്ത് സുംനിമ ഉദ്ദാസിന്റെ വിവാഹത്തിൽ പങ്കെടുക്കാനാണ് രാഹുൽ നേപ്പാളിലെത്തിയത് എന്ന് പ്രാദേശിക മാദ്ധ്യമങ്ങൾ റിപ്പോർട്ട് ചെയ്യുന്നു.
നേപ്പാളിലെ കഠ്മണ്ഡുവിലുള്ള മാരിയറ്റ് ഹോട്ടലിലാണ് സുഹൃത്തുക്കൾക്കൊപ്പം രാഹുൽ നിൽക്കുന്നത്. നൈറ്റ് ക്ലബ്ബിൽ ഉച്ചത്തിൽ പാട്ട് വെച്ചിരിക്കുന്നത് കേൾക്കാം. സുംനിമ ഉദ്ദാസിന്റെ അച്ഛൻ ഭൂം ഉദ്ദാസ് മ്യാന്മറിലെ നേപ്പാൾ അംബാസഡറാണ്.
വീഡിയോ
ബിജെപി നേതാവ് അമിത് മാളവ്യയാണ് വീഡിയോ സമൂഹമാദ്ധ്യമങ്ങളിൽ പങ്കുവെച്ചത്. കോൺഗ്രസ് ഭരിക്കുന്ന മഹാരാഷ്ട്രയിലെ അന്തരീക്ഷം കലുഷിതമായിരിക്കുമ്പോഴും കോൺഗ്രസ് തകർന്ന് തരിപ്പണമാകുമ്പോഴും രാഹുൽ നിശാ പാർട്ടിയിലാണ് എന്ന് അദ്ദേഹം പറഞ്ഞു. വീഡിയോ പ്രചരിച്ചതോടെ പരിഹാസവുമായി നിരവധി പേരാണ് രംഗത്തെത്തിയിരിക്കുന്നത്. ഇതാണോ നേതാവിന്റെ വിദേശ രാജ്യങ്ങളിലെ സ്വകാര്യ യോഗം എന്നും ഇന്ത്യയിൽ എന്ത് സംഭവിക്കുമ്പോഴും രാഹുൽ വിദേശത്താണോ എന്നുമുള്ള ചോദ്യങ്ങളാണ് ഉയരുന്നത്.
Comments