ചണ്ഡീഗഢ് : കോണ്ടഗാവ് ജില്ലയിലെ കുട്ടികൾക്ക് മുമ്പിൽ അദ്ധ്യാപക വേഷമണിഞ്ഞ് സൈനികർ. കമ്യൂണിസ്റ്റ് ഭീകരരുടെ കോട്ടയായി അറിയപ്പെടുന്ന കോണ്ടഗാവിലെ വനവാസി കുട്ടികൾക്കാണ് ഐടിബിപി ജവാൻമാർ അറിവിന്റെ വെളിച്ചം പകർന്നത്.
കോണ്ടഗാവ് ജില്ലയിലെ വിവിധ വനവാസി ഗ്രാമങ്ങളിൽ നിന്ന് തിരഞ്ഞെടുക്കപ്പെട്ട 200 വിദ്യാർത്ഥികൾക്കാണ് സൈനികർ പ്രത്യേക പരിശീലനം ന്ൽകുന്നത്. ഐടിബിപിയുടെ 29ാം ബറ്റാലിയനാണ് കുട്ടികൾക്ക് പരിശീലനം നൽകുന്നത്. നിർദ്ദേശങ്ങളും പാഠങ്ങളും ക്ഷമയോടെ കുട്ടികളെ പറഞ്ഞ് മനസിലാക്കുന്ന സൈനികരും കൗതുകത്തോടെ കേട്ടിരിക്കുന്ന വദ്യാർത്ഥികളുടേയും വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാണ്. നിരവധി പേരാണ് സൈനികരുടെ ഈ പരിപാടിയ്‌ക്ക് അഭിനന്ദനവുമായി രംഗത്തെത്തിയിരിക്കുന്നത്.
ഉദ്ദംപൂർ ജില്ലയിലെ ജഗ്നു ഗവർണെന്റ് ഹയർസെക്കൻഡറി സ്‌കൂളിലെ വിദായർത്ഥികൾക്കായി ഐടിബിപി ഭാരത് ദർശൻ ടൂറും സംഘടിപ്പിച്ചിരുന്നു. ഡൽഹി,പുതുച്ചേരി,മഹാബലിപുരം എന്നിവടങ്ങളിലെ ചരിത്രസ്മാരകങ്ങൾ പഠനയാത്രയിൽ വിദ്യാർത്ഥികൾ സൈനികരോടൊപ്പം സന്ദർശിക്കും.
