ന്യൂഡൽഹി: ഇന്ത്യ ആതിഥേയത്വം വഹിക്കുന്ന ജി-20 ആഗോള ഉച്ചകോടിയ്ക്ക് ലോഗോ ഡിസൈൻ മത്സരത്തിൽ പങ്കെടുക്കാൻ യുവാക്കളെ ക്ഷണിച്ച് പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് അദ്ദേഹം മത്സരത്തിനായി യുവാക്കളെ ക്ഷണിച്ചത്. 2022 ജൂൺ 7 വരെ ലോഗോകൾ സമർപ്പിക്കാം. തനതായ ഇന്ത്യയെ പ്രതിധീകരിക്കുന്ന നിങ്ങളുടെ ആശയം ഞങ്ങളുമായി പങ്കിടുക എന്നാണ് വിദേശ കാര്യ മന്ത്രലായം വക്താവ് അരിന്ദം ബാഗ്ചി ട്വിറ്ററിൽ കുറിച്ചത്.
2022 ഡിസംബർ 1 മുതൽ 2023 നവംബർ 30 വരെയാണ് ഇന്ത്യ ജി -20 യുടെ അദ്ധ്യക്ഷസ്ഥാനം വഹിക്കുക. 2023 ൽ ജി-20 ഉച്ചകോടിയ്ക്ക് ഇന്ത്യ ആതിഥേയത്വം വഹിക്കും. ആഗോള സാമ്പത്തിക ഭരണത്തിൽ ഒരു പ്രധാന പങ്കു വഹിക്കുന്ന അന്താരാഷ്ട്ര സാമ്പത്തിക സഹകരണത്തിനുള്ള പ്രധാന സംഘടനയാണ് ജി -20
ജി-20 സംഘടനയുടെ 200 യോഗങ്ങളാണ് ഇന്ത്യയിലെ വിവിധയിടങ്ങളിൽ നടക്കുക. 40 രാജ്യങ്ങളിലെ ഭരണാധികാരികളും വർക്കിങ് ഗ്രൂപ്പുകളും പ്രതിനിധികളും യോഗത്തിൽ പങ്കെടുക്കും.വിദേശകാര്യ മന്ത്രാലയത്തിനാണ് യോഗങ്ങളുടെ മേൽനോട്ടം.
അർജന്റീന, ഓസ്ട്രേലിയ,ബ്രസീൽ, കാനഡ, ചൈന, ഫ്രാൻസ്, ജർമനി, ഇന്ത്യ, ഇന്തോനേഷ്യ, ഇറ്റലി, ജപ്പാൻ, കൊറിയ,
മെക്സിക്കോ, റഷ്യ, സൗദി അറേബ്യ, തുർക്കി, ബ്രിട്ടൻ, അമേരിക്ക, യൂറോപ്യൻ യൂണിയൻ എന്നിവരാണ് സംഘടനയിലെ അംഗങ്ങൾ. 1999 ലാണ് സംഘടന രൂപീകരിച്ചത്.
