തൃശൂർ: പൂരം കുടമാറ്റത്തിനായി തയ്യാറാക്കിയ കുടകളിൽ സ്വാതന്ത്ര്യ സമര സേനാനി വീർ സവർക്കറും.പാറമ്മേക്കാവ് വിഭാഗം സ്വാതന്ത്ര്യ സമരസേനാനികളേയും നവോത്ഥാന നായകരേയും ഉൾപ്പെടുത്തി തയ്യാറാക്കിയ കുടകളിൽ വീർ സവർക്കറെ കൂടാതെ സുഭാഷ് ചന്ദ്ര ബോസ്, ഭഗത് സിംഗ്, ചട്ടമ്പി സ്വാമികൾ, സ്വാമി വിവേകാന്ദൻ,മന്നത്ത് പത്മനാഭൻ,രാജ് ഗുരു ചന്ദ്രശേഖർ ആസാദ്, രാജാ റാം മോഹൻ റായി തുടങ്ങിയ നിരവധി ഭാരതീയ നേതാക്കൻമാർ ഇടം പിടിച്ചിട്ടുണ്ട്.
അതേസമയം, പാറമേക്കാവ് തിരുവമ്പാടി ദേവസ്വങ്ങളുടെ ചമയ പ്രദർശനം ഇന്ന് ആരംഭിച്ചു.പാറമേക്കാവ് ദേവസ്വത്തിന്റെ പ്രദർശനോദ്ഘാടനം മുൻ രാജ്യസഭാ എംപിയും ബിജെപി നേതാവുമായ സുരേഷ് ഗോപി ഉദ്ഘാടനം നിർവഹിച്ചു. തിരുവമ്പാടി ദേവസ്വത്തിന്റെ പ്രദർശനോദ്ഘാടനം റവന്യൂ മന്ത്രി കെ രാജൻ നിർവഹിച്ചു.
തിരുവമ്പാടിയും പാറമേക്കാവും രണ്ട് ദിവസങ്ങളിലായി ചമയ പ്രദർശനം നടത്തുന്നുണ്ട്. പൂരത്തലേന്നാണ് സാധാരണ ചമയ പ്രദർശനം നടത്തി വരാറുള്ളത്. തിരക്ക് കണക്കിലെടുത്ത് ഇക്കുറി ഇന്നും നാളെയുമായാണ് ചമയ പ്രദർശനം നടത്തുന്നത്. ഗവർണർ ആരിഫ് മുഹമ്മദ് ഖാൻ ഉൾപ്പടെയുള്ള പ്രമുഖർ നാളെ പ്രദർശനം കാണാൻ എത്തും.
മുഖാമുഖം നിൽക്കുന്ന പാറമേക്കാവ് – തിരുവമ്പാടി വിഭാഗങ്ങൾ തമ്മിൽ പ്രൗഢഗംഭീരമായ വർണ്ണക്കുടകൾ പരസ്പരം ഉയർത്തി കാണിച്ച് മത്സരിക്കുന്നതാണ് കുടമാറ്റം എന്ന് അറിയപ്പെടുന്ന
Comments